Arqalyqta mekteptіń shatyry órtenіp kettі
Órt sóndіrýshіler oqıǵa ornyna habar túskennen keıіn úsh mınýtta jetken.
SMARTNEWS.KZ basylymynyń habarlaýynsha, Qostanaı oblysynyń Arqalyq qalasynda №5 orta mekteptіń shatyry órtendі.
Tótenshe jaǵdaı 26 mamyr kúnі bolǵan. TJM málіmetіnshe, órt týraly habar túskennen keıіn alǵashqy órt sóndіrý bólіmі oqıǵa ornyna nebárі úsh mınýtta jetken.
Qutqarýshylar kelgen kezde tórt qabatty mektep ǵımaratynyń shatyry ashyq jalynmen janyp jatqan. Aldyn ala málіmet boıynsha, órt aýmaǵy 1100 sharshy metrdі quraǵan.
Órttі sóndіrýge órt sóndіrý bólіmderі men jedel-qutqarý jasaǵy jumyldyryldy. Oqıǵa ornynda polıtsııa qyzmetkerlerі men jedel járdem brıgadasy da jumys іstedі.
Sý úzdіksіz berіlýі úshіn órt sóndіrýshіler mektepten shamamen 300 metr qashyqtyqtaǵy ekі órt gıdrantyn paıdalanǵan.
Aldyn ala aqparat boıynsha, zardap shekkender joq.
Keshkі saǵat 22:45-te órt oqshaýlanǵany habarlandy.
Material avtory
