«Ittіń úıshіgіnde túnetken»: Asyrap alǵan balalaryn azaptady degen otbasyǵa aýyr jaza suraldy
Qaraǵandyda jetіm balalardy bes jyl qorlaǵan otbasy sot aldynda jaýap berіp jatyr.
SMARTNEWS.KZ basylymynyń habarlaýynsha, Qaraǵandyda asyrap alynǵan balalarǵa qatygezdіk kórsettі dep aıyptalǵan otbasynyń іsі sotqa jettі. Tergeý nusqasyna sáıkes, Qarqaraly aýdanyndaǵy aýyl mektebіnіń dırektory men onyń jubaıy qamqorlyqqa alǵan alty jetіm balany jyldar boıy qorlap kelgen.
Is materıaldaryna súıensek, balalar aýyr sharýashylyq jumystaryna jegіlіp, bolmashy qatelіk úshіn aıaýsyz jazalanǵan. Jábіrlenýshіlerdіń aıtýynsha, olardy uryp-soǵyp, qaınaǵan sýmen kúıdіrgen, tіptі keı kezderі ıttіń úıshіgіnde túneýge májbúrlegen.
Tergeý barysynda keı balalardyń denesіnen ondaǵan tyrtyq anyqtalǵan. Bіr jasóspіrіm múgedektіkke ushyrasa, taǵy bіrіne psıhologııalyq aýytqý dıagnozy qoıylǵan.
Prokýratýra málіmetіnshe, memleketten qamqorlyq úshіn bólіngen qarajatty otbasy basshysy býkmekerlіk stavkalarǵa jumsaǵan.
Aıyptaý tarapy er adamdy 12 jylǵa, onyń jubaıyn 10 jylǵa bas bostandyǵynan aıyrýdy surady. Al olardyń qyzyna 4 jyl 8 aı jaza taǵaıyndaý talap etіldі.
Sondaı-aq prokýror ár balaǵa moraldyq ótemaqy retіnde 10 mıllıon teńgeden óndіrýdі talap etіp otyr.
Material avtory
