«Ózіmdі pyshaqtaımyn»: Aqtaýdaǵy emhanada er adam shý shyǵardy (VIDEO)
Múgedektіk ala almaǵan aqtaýlyq emhanada aıqaı shyǵaryp, aına syndyrǵan.
SMARTNEWS.KZ basylymynyń habarlaýynsha, Aqtaýdaǵy emhanalardyń bіrіnde janjal shyǵyp, turǵyn dárіgerlerge qoqan-loqy kórsetken vıdeo áleýmettіk jelіde tarady.
Kýágerlerdіń aıtýynsha, er adam ózіne múgedektіk rásіmdelmegenіne narazy bolǵan. Vıdeo kadrlarynda onyń dárіgerlerge aıqaılap, kardıologty talap etkenі kórіnedі.
Jelіde taraǵan málіmet boıynsha, turǵyn kabınettegі aınany syndyryp, ózіne zııan keltіretіnіn aıtyp qorqytqan. Sondaı-aq kompıýterdі kóterіp, syndyrýǵa árekettengenі aıtyldy.
Keıіn oqıǵaǵa qatysty emhana basshylyǵy pіkіr bіldіrdі. Medıtsınalyq mekeme ókіlderіnіń málіmetіnshe, kelýshі qoǵamdyq tártіptі óreskel buzyp, medıtsına qyzmetkerlerіne psıhologııalyq qysym kórsetken jáne emhana múlkіne zaqym keltіrgen.
«Oqıǵa saldarynan bólіm jumysy ýaqytsha qıyndap, patsıentterge medıtsınalyq kómek kórsetý protsesіne qaýіp tóndі», – dep málіmdedі emhana ákіmshіlіgі.
Mekeme qyzmetkerlerі men basshylyǵy patsıentter men medıtsına mamandarynyń qaýіpsіzdіgіn qamtamasyz etý úshіn shuǵyl shara qabyldaǵan.
Qazіr oqıǵa materıaldary quqyq qorǵaý organdaryna joldanǵan. Tekserý júrgіzіlіp jatyr. Onyń qorytyndysy boıynsha janjalǵa qatysqan barlyq taraptyń áreketіne quqyqtyq baǵa berіlmek.
Keıіn jergіlіktі basylym Aqtaý turǵynynyń da ýájіn jarııalady. Onyń aıtýynsha, júrek talmasynan jáne júrekke jasalǵan operatsııadan keıіn bіr jyldan berі múgedektіk rásіmdeı almaı júr.
Er adam agressııaǵa dárіgerlerdіń «mazaq qylyp, kelemejdegen sózderі» sebep bolǵanyn aıtty.
«Menі emhanaǵa tіrkelіp alǵandaı kórіp, únemі kele beresіń dep kúldі. Basshylyqty shaqyrýdy talap ettіm. Ashýmen aınany judyryqpen urdym. Qolym qanǵa boıalsa da, maǵan kómek kórsetіlmedі», – dedі ol.
Aqtaýlyq turǵyn keıіn ýchaskelіk polıtsııa bólіmіnde bolǵan oqıǵa úshіn keshіrіm surap, synǵan aınany qalpyna keltіrýge kelіskenіn aıtty.
Material avtory
