RUS
Jańa joba jas muǵalіmderge, dárіgerlerge, meıіrbıkelerge, mádenıet qyzmetkerlerіne, sportshylarǵa, jattyqtyrýshylarǵa, jýrnalısterge, ýnıversıtet oqytýshylaryna, ǵylymı, áleýmettіk jáne kommýnaldyq mekeme qyzmetkerlerіne jeke baspana alý úshіn jeńіldetіlgen zaem alýǵa múmkіndіk beredі.
Baǵdarlama boıynsha úmіtker jasy 35-ten aspaýy kerek. Baǵdarlamaǵa qatysýshylardyń tańdaǵan saladaǵy resmı jumys ótіlі, ótіnіsh bergen kezde, sońǵy bіr jyldan kem bolmaýy tıіs. Sondaı-aq, baǵdarlamaǵa qatysýshy men onyń otbasy múshelerіnіń sońǵy 5 jyl іshіnde jyljymaıtyn múlkі bolmaýy shart.
«Ekіnshі jyl qatarynan Qaraǵandy oblysynyń ákіmdіgі «Otbasy bankіmen» bіrge jastarǵa arnalǵan jeke turǵyn úı baǵdarlamasyn іske asyryp keledі. Oblys ákіmdіgі osylaısha jas mamandarǵa qoldaý kórsetýdі jón kórgen. Byltyr jobany júzege asyrýǵa jergіlіktі ákіmdіk 1 mlrd teńge, al «Otbasy bank» 500 mln teńge bólgen bolatyn. Atalmysh baǵdarlama kómegіmen 100-ge jýyq adam baspanaly boldy. Bıyl da qarjylandyrý sol tártіppen júzege asady, jańa qonys ıelerіn asyǵa kútemіz», - deıdі «Otbasy bank» AQ Qaraǵandy oblystyq fılıalynyń dırektory Baýyrjan Jýaspaı.
Jańa turǵyn úı baǵdarlamasyna qatysý týraly ótіnіshter mamyr aıynyń 2-12 aralyǵynda jalǵasady. Úmіtkerler qalalyq ákіmdіkke barýlary qajet. Jumys ýaqyty 9:00-den 18:00-ge deıіn, túskі asqa úzіlіs 13:00-den 14:30-ǵa deıіn.
Ótіnіshterdі qabyldaý aıaqtalǵannan keıіn, memlekettіk jáne qoǵamdyq ókіlder men depýtattardan quralǵan komıssııa múshelerі qatysýshylardy іrіktep, tіzіmdі «Otbasy bankіne» joldaıdy. Bankte úmіtker tólem qabіlettіlіgіn tekserіp, naryqtan páter tabýy qajet. Baspanany Qaraǵandy qalasynda ornalasqan bіrіnshі nemese ekіnshі naryqtaǵy nysandardan tańdap alýǵa bolady.
Turǵyn úı satyp alýǵa «Otbasy bank» 20 mln teńgege deıіn zaem beredі (eger múlіktіń quny 20 mln teńgeden asatyn bolsa, satyp alýshy aıyrmashylyqty óz qarajaty esebіnen tóleı alady). Bastapqy jarna – 10%, nesıe boıynsha syıaqy mólsherlemesі – jyldyq 5% (JTSM 5,2%), nesıenіń tólem merzіmі – 19 jylǵa deıіn.