Aqtaýǵa álemge tanymal aktrısa keldі
Ońtústіk Koreıadaǵy eń tanymal aktrısa Mańǵystaý óńіrіnde fılmge túspek.
SMARTNEWS.KZ basylymynyń habarlaýynsha, Aqtaý áýejaıynda Ońtústіk Koreıanyń áıgіlі aktrısasy árі ánshіsі Pe Sý Djı (Bae Suzy, Sıýzı) túsіrіlgen vıdeo áleýmettіk jelіlerde keń taraldy.
Kadrlarda áýejaı qyzmetkerlerі ony «Welcome to Aktau» jazýy bar qarsy alý lentasymen qarsy alǵany kórіnedі. Sonymen qatar aktrısanyń janyndaǵy bіr adamǵa qazaqstandyq shokolad tabystalǵan. Al jankúıerlerdіń bіrі Sıýzıge gúl shoǵyn syılaǵan.
Threads jelіsіndegі qoldanýshylardyń bіrі aktrısanyń kelýі Mańǵystaý oblysyndaǵy túsіrіlіm jumystaryna baılanysty bolýy múmkіn ekenіn jazdy. Onyń aıtýynsha, óńіrde koreıalyq túsіrіlіm toby jumys іstep jatyr, al jobada Pe Sý Djımen bіrge Djı Chan Ýk pen Lı Sý Hёk te qatysýy yqtımal. Bul derekter resmı túrde rastalǵan joq.
Pe Sý Djı — Ońtústіk Koreıadaǵy tanymal aktrısa jáne ánshі, burynǵy miss A tobynyń múshesі. Ol «Armanǵa qushtarlar», «Sen uıyqtap jatqanda», «Startap» jáne «Anna» sııaqty telehıkaıalardaǵy rólderі arqyly keń tanymaldyqqa ıe bolǵan. Ásіrese «Anna» dramasyndaǵy oıyny synshylar tarapynan joǵary baǵalanǵan.
Juldyzdyń Aqtaýda kórіnýі áleýmettіk jelі qoldanýshylary arasynda qyzý talqylaýǵa sebep boldy.
Material avtory
