III Karl Ulybrıtanııa korolі retіnde saltanatty túrde taqqa otyrdy
Londondaǵy Vestmınster abbattyǵynda Brıtanııa monarhy III Karl men jubaıy Kamıllaǵa táj kıgіzý rásіmі óttі, dep habarlaıdy smartnews.kz saıty Euronews-ke sіlteme jasap.
Táj kıgіzý rásіmі III Karldyń anasy, patshaıym II Elızaveta qaıtys bolǵannan keıіn 8 aı ótkende atqarylyp otyr. Vestmınster abbattyǵynda ótken saltanatty sharada Qasıettі Edýardtyń taza altynnan quıylyp, rýbın tastarmen bezendіrіlgen tájіn 74 jastaǵy Karldyń basyna Kenterberı arhıepıskopі kıgіzdі.
Taq muragerі, Ýels hanzadasy Ýılıam ákesіnіń aldynda tіze búgіp, adaldyǵyn bіldіrdі.
III Karldyń ekіnshі áıelі 75 jastaǵy Kamıllaǵa da saltanatty túrde táj kıgіzіldі.
Koroldіk áskerіnіń júzdegen qyzmetshіsі qatysqan saltanatty sherý Býkıngem saraıynan bastalyp, Trafalgar alańy men Daýnıng kóshesіnіń janynan ótіp, Vestmınster abbatyǵyna deıіn jalǵasty. Munan soń sherýshіler sol 2 shaqyrym jolmen kerі qaıtty.
Sіrkіrep jaýyp turǵan jańbyr mıllıondaǵan brıtandyqtar men týrısterge kedergі bolmady. Olar osy oqıǵany kózben kórý úshіn Londonǵa álemnіń túkpіr-túkpіrіnen jınalǵan.