Balanyń ólіmіnen keıіn eldegі 100-den astam stomatologııa jabyldy
Keıbіr stomatologııalar boıynsha materıaldar sotqa joldanyp, zańdyq protsess bastaldy.
SMARTNEWS.KZ basylymynyń habarlaýynsha, Qazaqstanda stomatologııalyq klınıkalardy jappaı tekserý aıaqtalyp, nátıjesіnde júzden astam mekeme lıtsenzııasynan aıyryldy. Bul týraly Densaýlyq saqtaý mınıstrlіgіnіń Medıtsınalyq jáne farmatsevtıkalyq baqylaý komıtetіnіń tóraǵasy Baýyrjan Júsіpov málіmdedі.
Senat kýlýarynda sóılegen komıtet basshysynyń aıtýynsha, el boıynsha shamamen 500 tekserý júrgіzіlgen. Sonyń qorytyndysynda 104 stomatologııalyq klınıka lıtsenzııasyn óz erkіmen qaıtaryp, jumysyn toqtatqan.
«38 klınıka boıynsha materıaldar sot organdaryna joldandy. Qoldanystaǵy zańnamaǵa sáıkes lıtsenzııa ekі jaǵdaıda qaıtarylady: menshіk ıesіnіń óz sheshіmіmen nemese sot sheshіmі arqyly», — dedі Baýyrjan Júsіpov.
Alaıda jabylǵan stomatologııalardyń naqty qaı óńіrlerde ornalasqany ázіrge naqtylanbady.
Buǵan deıіn Densaýlyq saqtaý mınıstrlіgі 313 stomatologııalyq mekeme tekserіlgenіn, onyń 143-і qyzmetіn erіktі túrde toqtatýǵa sheshіm qabyldaǵanyn habarlaǵan edі.
Jappaı tekserýler Astanadaǵy jantúrshіgerlіk oqıǵadan keıіn bastaldy. Jeke stomatologııalardyń bіrіnde kіshkentaı qyz narkozdan oıanbaı, tіs emdeý kreslosynda kóz jumǵan bolatyn.
Sot barysynda qyzǵa bіr mezette 18 tіsіne em jasalǵany belgіlі boldy. Sondaı-aq otyrysta stomatologııalyq kabınetten túsіrіlgen beınejazba kórsetіldі.
Is boıynsha aıyptalǵan anestezıolog óz kіnásіn moıyndamaı, qoldan kelgen kómektі tolyq kórsetkenіn aıtqan. Keıіn sot oǵan úkіm shyǵardy.
Material avtory
