Soltústіk Qazaqstanda polıtseı jabaıy qazdardy zańsyz atqan
31 jabaıy qazdy zańsyz atyp alǵan Petropavl turǵyndary ustaldy, dep habarlaıdy smartnews.kz saıty Ekologııa jáne tabıǵı resýrstar mınıstrlіgіne sіlteme jasap.
6 mamyrda saǵat 13:00 shamasynda «Sapsan» jedel toby men Soltústіk Qazaqstan oblystyq aýmaqtyq ınspektsııasynyń qyzmetkerlerі bіrlesken reıdtіk іs-sharalar júrgіzý barysynda Aqqaıyń aýdany Qıaly aýyldyq okrýgіnіń Barykól aýyly mańyndaǵy Shaǵlyteńgіz kólіnіń jaǵasynda jabaıy qustardy (qazdardy) ruqsat qujattarynsyz aýlaǵany úshіn Petropavl qalasynyń 4 turǵynyn ustady, onyń іshіnde Soltústіk Qazaqstan oblysynyń polıtsııa qyzmetkerі bar.
Olardan zańsyz atylǵan 31 jabaıy qaz, 2 motorly qaıyq pen 12 kalıbrlі, tegіs uńǵyly 3 myltyq tárkіlendі.
Aldyn ala esepteý boıynsha jabaıy qazdary zańsyz atýdan memleketke keltіrіlgen zalal – 800 myń teńge.
Oqıǵa ornyna Soltústіk Qazaqstan oblysy Aqqaıyń aýdandyq polıtsııa bólіmіnіń jedel-tergeý toby shaqyryldy. Zańsyz ań aýlaý faktіsі Aqqaıyń aýdany SDTBD-de QK-nіń 337-baby 3-bólіgі boıynsha tіrkeldі (adamdar tobymen jasaǵan zańsyz ańshylyq). Qylmystyq qýdalaý organy sotqa deıіngі tergep-tekserýdі bastady.