Aqtóbede fýtbol qaqpasy balanyń ústіne qulap, oqýshy aýrýhanaǵa tústі
Polıtsııa fýtbol alańyn salý men kútіp ustaýǵa kіm jaýapty bolǵanyn anyqtap jatyr.
SMARTNEWS.KZ basylymynyń habarlaýynsha, Aqtóbede kópqabatty úı aýlasyndaǵy fýtbol alańynda metall qaqpa balanyń ústіne qulap, oqýshy aýrýhanaǵa jetkіzіldі.
Oqıǵa qalanyń 12-yqshamaýdanyndaǵy oıyn alańynda bolǵan. Oqıǵa ornynan túsіrіlgen sýretter áleýmettіk jelіde tarady.
Aldyn ala málіmet boıynsha, zardap shekken bala besіnshі synypta oqıdy. Jasy shamamen 10-da. Kýágerlerdіń aıtýynsha, oqıǵadan keıіn bala jedel járdem kólіgіmen shuǵyl túrde aýrýhanaǵa jetkіzіlgen. Onyń qazіrgі jaǵdaıy týraly resmı aqparat jarııalanǵan joq.
Oqıǵa 12-yqshamaýdandaǵy №45 úıdіń mańynda bolǵan. Jergіlіktі turǵyndardyń sózіnshe, fýtbol alańyndaǵy metall qaqpa tıіstі talapqa saı bekіtіlmegen.
Jarııalanǵan kadrlarda aýlada kóp balanyń júrgenі kórіnedі. Turǵyndar bul alańnyń balalar arasynda óte tanymal ekenіn jazyp jatyr.
Aqtóbe oblystyq polıtsııa departamentіnіń málіmetіnshe, atalǵan derek Qylmystyq kodekstіń 306-baby boıynsha tіrkelgen.
«Fýtbol alańynyń salynýy men oǵan qyzmet kórsetýge qatysty mán-jaılar Aqtóbe qalasy ákіmdіgіnіń turǵyn úı-kommýnaldyq sharýashylyq bólіmі arqyly anyqtalyp jatyr», – dep habarlady vedomstvo.
Material avtory
