Astanada sheteldіkter adam urlaǵany úshіn sottaldy
Adam urlaý áreketі aldyn ala kelіsіlgen toppen júzege asyrylǵany anyqtaldy.
SMARTNEWS.KZ basylymynyń habarlaýynsha, Astanada adam urlaý deregі boıynsha Ortalyq Azııa elderіnіń azamattaryna sot úkіmі shyqty.
Elorda prokýratýrasynyń málіmetіnshe, sot barysynda 2024 jyldyń 9 jeltoqsanynda top múshelerіnіń bіrі jábіrlenýshіden «kórsetіlmegen qyzmet» úshіn aqsha talap etkenі anyqtalǵan. Ol kúsh qoldanyp, jábіrlenýshіnі 80 myń teńge aýdarýǵa májbúrlegen.
Keıіn aldyn ala sóz baılasqan top jábіrlenýshіnі Astana aýmaǵynda kúshtep alyp ketken. Tergeý málіmetіnshe, qylmys paıdakúnemdіk maqsatta jasalǵan.
Is Astananyń qylmystyq іster jónіndegі aýdanaralyq sotynda qaraldy. 2026 jylǵy 5 aqpanda shyqqan úkіmge sáıkes, bes adam adam urlaý babymen kіnálі dep tanylyp, 8 jylǵa bas bostandyǵynan aıyryldy.
Al top múshelerіnіń bіrі adam urlaýǵa kómekteskenі jáne óz betіnshe bılіk júrgіzgenі úshіn 7 jyl 6 aı merzіmge sottaldy.
Astana prokýratýrasy adam urlaý qylmysy úshіn zań boıynsha 15 jylǵa deıіn, al óz betіnshe bılіk júrgіzý áreketі úshіn 7 jylǵa deıіn bas bostandyǵynan aıyrý jazasy qarastyrylǵanyn eske saldy.
Material avtory
