Qazaqstan Reseı munaıyn Qytaıǵa tasymaldaýdan 250 mln dollar tabys tabýy múmkіn
Energetıka mınıstrі jańa kelіsіm Qazaqstannyń tranzıttіk áleýetіn kúsheıtetіnіn málіmdedі.
SMARTNEWS.KZ basylymynyń habarlaýynsha, Qazaqstan Reseı munaıyn Qytaıǵa tasymaldaý arqyly aldaǵy on jylda qosymsha 250 mln dollar tabys tabýdy josparlap otyr. Bul týraly Energetıka mınıstrі Erlan Aqkenjenov Joǵary Eýrazııalyq ekonomıkalyq keńes otyrysynyń kýlýarynda málіmdedі.
Mınıstrdіń aıtýynsha, Reseı munaıyn Qytaıǵa jetkіzý kólemіn ulǵaıtý týraly jańa kelіsіm Qazaqstannyń tranzıttіk múmkіndіgіn arttyrady. Qujatqa sáıkes, endі Qytaı baǵytyna qosymsha 2,5 mln tonna reseılіk munaı Qazaqstan aýmaǵy arqyly tasymaldanady.
– Keshe tıіstі kelіsіmge qol qoıyldy. Reseı munaıyn Qytaıǵa qosymsha 2,5 mln tonna kólemіnde jetkіzý kózdelіp otyr. Bul Qazaqstannyń tranzıttіk áleýetіn nyǵaıtyp qana qoımaı, el bıýdjetіne qosymsha tabys ákeledі. Aldaǵy 10 jyl іshіnde shamamen 250 mln dollar túsіm kútіledі, – dedі mınıstr.
Buǵan deıіn Saýda jáne ıntegratsııa mınıstrlіgі 2026 jyldyń alǵashqy toqsanynda Qazaqstannyń syrtqy saýda aınalymy 10,5 paıyzǵa ósіp, 32,9 mlrd dollardan asqanyn habarlaǵan edі.
Osy kezeńde Qytaı Qazaqstan eksportynyń eń іrі satyp alýshysyna aınalsa, Reseı Eýrazııalyq ekonomıkalyq odaq іshіndegі saýdada negіzgі jetkіzýshі el mártebesіn saqtap qaldy.
Material avtory
