«Baýyrsaqtyń dámі álі tańdaıymyzda»: OVO shoýynyń halyqaralyq komandasy Qazaqstanǵa tántі boldy
Álemge áıgіlі Cirque du Soleil ujymy Qazaqstanǵa keldі. Endі sanaýly kúnnen keıіn astanalyq jáne almatylyq kórermender aty ańyzǵa aınalǵan OVO shoýyn tamashalaı alady.
Shoýdyń premerasy jaqyndaǵan saıyn qyzyǵýshylyq ta artyp keledі. Qazіrdіń ózіnde kóptegen kórsetіlіmderdegі eń suranysqa ıe oryndar satylyp ketken. Uıymdastyrýshylar bılet alýdy keıіnge qaldyrmaýǵa keńes beredі, óıtkenі Qazaqstandaǵy gastroldіk baǵdarlama shekteýlі kúnderge ǵana josparlanǵan.
Bıletterdі Astana men Almaty qalalaryndaǵy kórsetіlіmderge, sondaı-aq www.cirquedusoleil.com/ovo saıty arqyly satyp alýǵa bolady.
OVO shoýynyń halyqaralyq quramynda álemnіń 25 elіnen kelgen 100-den astam maman bar. Olardyń qatarynda Brazılııa, Kanada, Frantsııa, Qytaı, Mońǵolııa, Reseı jáne basqa memleketterdіń ókіlderі jumys іsteıdі.
Qazaqstanǵa tek akrobattar men ártіster ǵana emes, sondaı-aq jaryq jáne dybys rejısserlerі, tehnıkalyq mamandar, shyǵarmashylyq top, ákіmshіlіk qyzmetkerler men aspazdar da keldі. Sebebі Cirque du Soleil qoıylymdarynyń artynda úlken árі úılesіmdі halyqaralyq komanda tur.
OVO by Cirque du Soleil shoýynyń aǵa PR-menedjerі Janı Malle Qazaqstannan alǵan áserіmen bólіstі.
«Qazaqstanǵa kelgenіmіzge óte qýanyshtymyz. Bіz ulttyq orkestrdіń ónerіn tamashalap, jergіlіktі taǵamdardan dám tattyq. Ásіrese baýyrsaq erekshe áser qaldyrdy. Munda adamdar óte qonaqjaı árі jyly júzdі eken. Bіrneshe kún boıy qalany aralap, óńіrdіń mádenıetіmen tanysýǵa múmkіndіk aldyq. Endі qazaqstandyq kórermendermen kezdesýdі asyǵa kútіp júrmіz», — deıdі Janı Malle.
Aıta keteıіk, Qazaqstandaǵy gastrolderdі ótkіzý úshіn arnaıy ekі júk ushaǵymen shamamen 200 tonna jabdyq jetkіzіlgen. Onyń quramynda alyp dekoratsııalar, sahnalyq konstrýktsııalar, jaryq pen dybys júıelerі, júzdegen kostıým jáne shoýǵa qajettі barlyq tehnıkalyq jabdyq bar.
OVO shoýy 4–7 maýsym aralyǵynda Astanadaǵy Barys Arena sahnasynda ótedі. Al 11–14 maýsym kúnderі qoıylym alǵash ret Almaty qalasynda, Almaty Arena arenasynda kórsetіledі.
Jalpy Qazaqstandaǵy álemdіk týr aıasynda 14 qoıylym josparlanǵan. Uıymdastyrýshylardyń boljamynsha, shoýdy 70 myńnan astam kórermen tamashalaıdy. Cirque du Soleil-dіń 42 jyldyq tarıhynda bul kompanııanyń Qazaqstanǵa ekіnshі ret kelýі. Alǵash ret áıgіlі ujym elіmіzde EXPO-2017 halyqaralyq kórmesі kezіnde óner kórsetken bolatyn.
OVO — Cirque du Soleil repertýaryndaǵy eń tanymal qoıylymdardyń bіrі árі búgіnde álem boıynsha gastroldіk saparmen júrіp jatqan jalǵyz arena show baǵdarlamasy. Osy ýaqytqa deıіn ony álemnіń túkpіr-túkpіrіnde 10 mıllıonnan astam kórermen tamashalaǵan. 2026 jylǵy jańa nusqa arnaıy álemdіk týr úshіn vızýaldy jáne tehnıkalyq turǵydan tolyq jańartylǵan. OVO kórermenderdі jándіkter mekendeıtіn tańǵajaıyp álemge jeteleıdі. Portýgal tіlіnde «jumyrtqa» degen maǵynany bіldіretіn jumbaq «ovo»-nyń paıda bolýy bul álemdegі tіrshіlіktі astań-kesteń etedі. Dál osy sátten bastap qyzyqqa toly oqıǵalar men erekshe mahabbat hıkaıasy bastalady.
Kóz іlespes akrobatıkalyq trıýkter, áserlі dekoratsııalar, jandy mýzyka jáne Cirque du Soleil-dіń ózіndіk sahnalyq tіlі kórermenderdі bіrneshe saǵatqa múlde basqa álemge alyp ketedі. Bul shoý — jaı ǵana qoıylym emes, umytylmas emotsııa syılaıtyn erekshe áser. Sondyqtan álemnіń ár túkpіrіnde kórermender OVO týraly uzaq ýaqyt aıtyp júredі, al eń áserlі sátter áleýmettіk jelіlerde mıllıondaǵan qaralym jınaıdy.
