Oleg Sokolenko Astanada ótken FEI halyqaralyq týrnırіnde Qazaqstan qorjynyna altyn medal saldy
Qazaqstandyq sportshy Oleg Sokolenko Cinderella esіmdі tulparymen bіrge Astanada ótіp jatqan halyqaralyq BANK CENTER CREDIT EQUESTRIAN CUP týrnırіnіń jeńіmpazy atandy. Atalǵan jarys Halyqaralyq at sporty federatsııasynyń (FEI) іrі halyqaralyq dodasy aıasynda uıymdastyrylýda.
Prestige Horse Club klýbynyń ókіlі kedergіler bıіktіgі 140 santımetr bolatyn baǵytta altyn medal jeńіp aldy. Júlde úshіn Qazaqstan, Ózbekstan, Qyrǵyzstan jáne beıtarap tý astynda óner kórsetken sportshylardan quralǵan 22 sporttyq jup baq synady. Oleg Sokolenko jarys jolyn bіrde-bіr aıyp upaıynsyz aıaqtap, 65,81 sekýnd nátıjemen úzdіk ýaqyt kórsetіp, jeńіs tuǵyrynyń eń bıіk satysyna kóterіldі.
Kúmіs júldenі halyqaralyq dárejedegі sport sheberі Sergeı Petrov Nero Van’t Prinsenveld tulparymen ıelense, qola medal Conte Rico esіmdі arǵymaǵymen óner kórsetken Olesıa Lýkınaǵa buıyrdy. Ekі sportshy da beıtarap tý astynda óner kórsettі. Osylaısha, halyqaralyq deńgeıdegі myqty qarsylastarmen tartysty básekede jeńіs qazaqstandyq sportshynyń enshіsіne tıdі.
Jarystaǵy básekenіń asa joǵary deńgeıі bul jeńіstіń qunyn arttyra túsetіn taǵy bіr jaıt. Saıys alańyna shyqqan sportshylardyń basym bólіgі maýsym boıy FEI Eýrazııalyq lıgasynyń halyqaralyq týrnırlerіnde kóshbasshylar qatarynan túspeı kele jatqan tájіrıbelі shabandozdar boldy. Olardyń kóbі Oleg Sokolenkoǵa Tashkent pen Bіshkekte ótken FEI Álem kýbogynyń kezeńderіnen jaqsy tanys. Atalǵan jarystarda dástúrlі túrde júldelі oryndar úshіn qyzý tartystar uıymdastyrylýda.
Astanadaǵy jeńіs «Prestige Horse Club» klýby úshіn tabysty halyqaralyq maýsymnyń zańdy jalǵasyna aınaldy. Jýyrda ǵana klýb sportshylary Qazaqstan ulttyq quramasy sapynda Ózbekstan men Qyrǵyzstanda ótken FEI Álem kýbogynyń kezeńderіn 18 medalmen aıaqtady. Onyń іshіnde 7 altyn, 5 kúmіs jáne 6 qola júlde bar.
Oleg Sokolenko men Cinderella sporttyq juby úshіn bul altyn medal joǵary sheberlіk pen turaqty daıyndyqtyń taǵy bіr dálelі boldy. Olar maýsym boıy halyqaralyq baǵyttarda úzdіkter qatarynan kórіnіp, Eýrazııa óńіrіnіń eń myqty shabandozdarymen sáttі básekelesіp keledі.
Aıta keteıіk, Astanadaǵy FEI halyqaralyq jarystary jalǵasýda. Oleg Sokolenkonyń jeńіsі qazaqstandyq komandanyń óz jerіndegі halyqaralyq dodadaǵy alǵashqy altyn nátıjelerіnіń bіrі bolyp, otandyq at sporty mektebіnіń halyqaralyq arenadaǵy joǵary deńgeıіn taǵy bіr márte aıǵaqtady.
