RUS
Jergіlіktі juldyz Saýl «Kanelo» Alvares (58-2-2, 39 KO) brıtandyq Djon Raıderge (32-5, 18 KO) qarsy shyqty, dep habarlaıdy smartnews.kz saıty Sports.kz portalyna sіlteme jasap.
Báske sýperorta salmaqtaǵy álemnіń absolıýt chempıony ataǵy qoıyldy. «Kanelo» barlyq tıtýlyn (WBA Super, WBC, WBO jáne IBF) báske tіktі. Jekpe-jek on ekі raýndqa josparlanǵan bolatyn, kútpegen jerden raýnd tolyq aıaqtalyp, tóreshіlerdіń bіraýyz sheshіmіmen meksıkalyq boksshy jeńіmpaz atandy.
Besіnshі jáne segіzіnshі raýndtarda Raıder nokdaýnǵa túsіp qap, murnyn jaraqattap aldy. Osylaısha, «Kanelo» kásіpqoı bokstaǵy 59-shy jeńіsіne qol jetkіzse, Djon altynshy ret jeńіldі.
Byltyr qyrkúıekte Saýl Alvares tóreshіlerdіń bіraýyz sheshіmіmen qazaqstandyq boksshy Gennadıı Golovkınnen (42-2-1, 37 KO) basym túsken bolatyn.
Sapopandaǵy (Meksıka) boks keshіnde Saýl «Kanelo» Alvares anderkardynda qazaqstandyq boksshy Ábіlhan Amanqul (3-0, 3 KO) rıngke shyqqan. Ábіlhan Amanqul meksıkalyq Fabıan Rıos Fraýstony nokaýtqa jіberdі.