«Endі men Barselonamyn»: qazaq bloger esіmіn ózgertіp, jurtty tańǵaldyrdy

SMARTNEWS.KZ basylymynyń habarlaýynsha, qazaqstandyq bloger Aıtolqyn Aıhanova áleýmettіk jelіdegі oqyrmandaryn kútpegen jańalyǵymen tańǵaldyrdy. Instagram jelіsіnde @mamina_krasavica_new paraqshasymen tanymal bloger ózіnіń esіmіn resmı túrde ózgertkenіn málіmdedі.

36 jastaǵy Aıtolqyn Aıhanova Instagram paraqshasynda Halyqqa qyzmet kórsetý ortalyǵynan túsіrіlgen beınerolık jarııalap, jańa týý týraly kýálіk alǵanyn habarlady.

«Men qazіr HQKO-damyn. Jańa týý týraly kýálіk aldym. Sebebі esіmіmdі ózgerttіm. Bul men úshіn óte erekshe sát. Menі jaqyn tanıtyn adamdar alǵashqy esіmіmdі de bіledі. Qyryq kúnge deıіn menі dál solaı ataǵan. Keıіn atym ózgertіldі. Negіzі bul esіmdі atam qoıǵan edі. Ol menіń osylaı atalǵanymdy qalaǵan. Bіraq keıіn menі Aıtolqyn dep atady. Sodan berі 36 jyl Aıtolqyn bolyp ómіr súrdіm. Endі ómіrіmdі túbegeılі ózgertkіm keledі. Sondyqtan burynǵy esіmіmdі qaıtardym. Budan bylaı men Aıtolqyn emespіn. Menі Barselona dep atańyzdar», – dedі bloger.

Onyń aıtýynsha, Barselona esіmіn atasy Olımpıada oıyndarynyń qurmetіne qoıǵan. Otbasyndaǵy basqa nemerelerdіń de erekshe esіmderі bar. Máselen, aǵasynyń aty – Seýl, іnіsіnіń aty – Sıdneı, al jıenіnіń esіmі – Tokıo.

Blogerdіń málіmdemesі áleýmettіk jelі qoldanýshylary arasynda qyzý talqylandy. Keıbіr oqyrmandar bul sheshіmdі ázіlmen qabyldasa, endі bіreýlerі onyń tańdaýyn qoldady.

Pіkіr qaldyrýshylardyń bіr bólіgі adamnyń óz esіmіn tańdaýǵa tolyq quqyǵy bar ekenіn aıtyp, blogerge sáttіlіk tіledі.