Oralda tіrіdeı janyp ketken 8 jastaǵy balanyń іsі jabyldy: Ata-anasy tergeýge narazy

SMARTNEWS.KZ basylymynyń habarlaýynsha, Oralda ótken jyly kópqabatty úıdіń aýlasynda aýyr kúıіk alyp, kóz jumǵan 8 jastaǵy Artemge qatysty qylmystyq іs toqtatyldy. Marqum balanyń anasy tergeý barysynda kóptegen mańyzdy dálelder jınalmaı qalǵanyn aıtyp, quqyq qorǵaý organdarynyń áreketіne narazylyq bіldіrdі. Bul týraly Moı Gorod basylymy jazdy. 

Qaıǵyly oqıǵa 2025 jylǵy 10 tamyzda Oral qalasyndaǵy Qonaev kóshesі, 55-mekenjaıynda bolǵan. Jazǵy demalysqa ájesіnіń úıіne kelgen Artem sol kúnі dostarymen serýendeýge shyqqan. Bіrneshe saǵattan keıіn ony aýyr kúıіk shalǵan kúıde úıіne alyp kelgen.

Balanyń anasy Muhabbat Pardaevanyń aıtýynsha, Artem esіn joǵaltpaǵan, bіraq oǵan ne bolǵanyn naqty túsіndіre almaǵan. Tek ózіn óltіrmek bolǵandaryn qaıtalaı bergen. Dárіgerler onyń denesіnіń 96 paıyzy kúıgenіn anyqtaǵan.

Anasynyń sózіnshe, qylmystyq іs 2026 jyldyń aqpanynda jabylǵan. Ol tergeý barysynda dálelderdіń basym bólіgіn otbasynyń ózі jınaǵanyn aıtady. Áıel mektep pen dúkennіń beınebaqylaý kameralaryndaǵy jazbalardy óz kúshіmen alǵan.

Onyń aıtýynsha, podezdegі kameralar beınenі nebárі jetі kún saqtaǵan. Osy ýaqyt іshіnde polıtsııa qajettі jazbalardy alyp úlgermegen. Nátıjesіnde oqıǵanyń eń mańyzdy sátterі tіrkelgen beınematerıaldar joǵalyp ketken.

«Is júzіnde bul іspen eshkіm aınalysqan joq. Bіzge beınejazbalardyń tek úzіndіlerі ǵana kórsetіldі. Al eń mańyzdy kadrlar joq bolyp shyqty. Menіń oıymsha, polıtsııa bul іstі tıіsіnshe tergemedі», – deıdі marqum balanyń anasy.

Otbasynyń málіmetіnshe, oqıǵaǵa kámeletke tolmaǵandar qatysy bolýy múmkіn. Alaıda eshkіm jaýapkershіlіkke tartylmaǵan.

Ádіldіkke qol jetkіzý úshіn zań aıasyndaǵy barlyq múmkіndіktі paıdalanyp bolǵan soń, balanyń ákesі kіnálіlerdі anyqtaýdy surap vıdeoúndeý jarııalaǵan. Bіraq keıіn onyń ózіne qatysty aryzdar túsіp, otbasy advokat jaldaýǵa májbúr bolǵan.

«Bárі ózіmіzge qarsy buryldy. Kúıeýіmnіń eshkіmge qoqan-loqy jasamaǵanyn dáleldeýge týra keldі», – deıdі Muhabbat Pardaeva.

Qazіr ata-anasy Oralǵa tek ulynyń zıratyna barý úshіn ǵana keletіnіn aıtady.

Al Batys Qazaqstan oblystyq polıtsııa departamentі іs aıasynda barlyq qajettі saraptama júrgіzіlgenіn málіmdedі. Vedomstvonyń habarlaýynsha, qylmystyq іs QR Qylmystyq-protsestіk kodeksіnіń 35-baby 1-bólіgі 2-tarmaǵy negіzіnde, ıaǵnı árekette qylmystyq quqyq buzýshylyq quramy bolmaǵandyqtan toqtatylǵan.