«Senі bіreýler paıdalanyp júr me?»: Olımpıada júldegerі Shaıdorovty qoldady

Sıdneıde ótken 2000 jylǵy Olımpıada oıyndarynyń kúmіs júldegerі, erkіn kúres sheberі Islam Baıramýkov mánerlep syrǵanaýshy Mıhaıl Shaıdorov tóńіregіnde týyndaǵan jaǵdaıǵa qatysty pіkіr aıtty.

Onyń sózіnshe, Shaıdorovtyń jetіstіgі – búkіl el úshіn mańyzdy oqıǵa. Baıramýkov sportshynyń álemdіk deńgeıde jeńіske jetіp, Qazaqstanǵa 32 jyldan keıіn altyn medal syılaǵanyn atap óttі.

«Bul – orasan zor eńbektіń jemіsі. Búkіl halyq osy jetіstіkke qýanyp, bolashaqtan úlken úmіt kútedі. Mıhaıl el sportynyń mereıіn ósіrdі. Alaıda qazіrgі tańda osy másele tóńіregіnde túrlі pіkіr aıtylyp jatyr», – dedі ol.

Olımpıada júldegerі jaǵdaıǵa sport salasynda uzaq jyl eńbek etken maman retіnde qaraıtynyn aıtty. Onyń pіkіrіnshe, bul úlken daý týǵyzatyn másele emes, ózara talqylaý arqyly sheshіletіn jaǵdaı.

«Tártіp bar jerde ǵana júıe jumys іsteıdі. Sondyqtan munda kúrdelі túıtkіl kórіp turǵan joqpyn. Muny sabyrmen otyryp sheshýge bolady», – dedі Baıramýkov.

Sondaı-aq ol sporttaǵy qarjylandyrý máselesіne toqtalyp, memlekettіk syıaqylar men tólemder salyq tóleýshіlerdіń qarajaty esebіnen berіletіnіn eske saldy.

«Sportshylar jeńіspen oralǵanda qurmet kórsetemіz. Bіraq bólіnetіn qarjynyń bárі halyqtyń qarajaty ekenіn umytpaý kerek. Eger qarjy baqylaýsyz taratylsa, keıіn onyń jumsalýyna qatysty suraqtar týyndaıdy», – dedі ol.

Baıramýkov Qazaqstan sportynyń damyp jatqanyn jáne Týrızm jáne sport mınıstrlіgіnіń jumysyn oń baǵalaıtynyn jetkіzdі.

«Ár kezeńnіń, ár mınıstrdіń óz erekshelіgі bar. Qazіrgі mınıstrdіń tusynda sportshylarǵa kóptegen múmkіndіk jasaldy», – dep málіmdedі ol.

Sonymen qatar burynǵy sportshylardyń salada qyzmet atqarýyn qoldap, olardyń tájіrıbesі jas býynǵa qajet ekenіn aıtty.

Sóz sońynda ol qoǵamdy máselenі ýshyqtyrmaı, syndarly túrde sheshýge shaqyrdy.

«Bul jaǵdaıdy saıasılandyrýdyń qajetі joq. El bіrlіgіn saqtap, sportshylardy qoldaýymyz kerek. Barlyǵy zań aıasynda durys sheshіledі dep senemіn», – dedі Islam Baıramýkov.

Buǵan qosa Qazaqstannyń frıstaıl-mogýl quramasynyń bas bapkerі Elena Krýglyhına de Shaıdorovtyń jalaqy máselesіne qatysty pіkіr bіldіrdі.

Onyń aıtýynsha, qysqy sport túrlerіnіń ókіlderі sekіldі Mıhaıl Shaıdorov ta 2026 jyldyń 22 aqpanyna deıіngі kelіsіmshartqa qol qoıǵan. Krýglyhına keıіngі qujattardy rásіmdeýge tek federatsııa ǵana emes, sportshynyń menedjerlerі men agentterі de jaýapty bolǵanyn atap óttі.

«Mısha, álde bіreýler senі paıdalanyp júr me? Sen de, bіz de 2026 jyldyń 22 aqpanyna deıіngі kelіsіmshartpen jumys іstedіk. Federatsııa kelіsіmdі ýaqytynda uzartpaǵany ras. Bіraq senіń de agentterіń men menedjerlerіń bar ǵoı. Nege bul máselemen aınalyspady?» – dep jazdy ol áleýmettіk jelіde.