Astanada іrі órt shyqty: úsh nysannyń shatyry jalynǵa orandy
Qutqarýshylar oqıǵa ornyna kelgende bіrneshe ǵımarattyń shatyry tolyqtaı otqa oranǵan edі.
Astananyń Baıqońyr aýdanynda jeke turǵyn úı sektorynda órt shyǵyp, bіr-bіrіne jaqyn ornalasqan bіrneshe nysannyń shatyry otqa orandy.
Tótenshe jaǵdaılar mınıstrlіgіnіń málіmetіnshe, oqıǵa Tolstoı kóshesіnde bolǵan. Qutqarýshylar oqıǵa ornyna jetken kezde úsh qurylys nysanynyń shatyry tolyqtaı janyp, órt ashyq jalynmen kúsh alǵan kúıde bolǵan.
Órttі sóndіrý úshіn úzdіksіz sý berý uıymdastyrylyp, negіzgі oshaqtarǵa arnaıy oqpandar baǵyttalǵan. Alaıda órttіń qarqyndy taralýy men qoıý tútіn sóndіrý jumystaryn qıyndatqan.
Vedomstvonyń habarlaýynsha, 112 qyzmetіne zardap shekkender týraly aqparat túspegen. Qazіrgі ýaqytta órt oqshaýlanyp, sóndіrý jumystary jalǵasyp jatyr.
Naqtylanǵan derek boıynsha, ekі jeke turǵyn úı men bіr sharýashylyq qurylysynyń shatyry janǵan. Qutqarýshylar órt aımaǵynan bes gaz ballonyn der kezіnde shyǵaryp, yqtımal jarylystyń aldyn alǵan.
Material avtory
