Tokıoda Azııa qazaqtarynyń quryltaıy óttі: tarıhı memorandýmǵa qol qoıyldy

Japonııa astanasy Tokıo qalasynda Azııa elderіndegі qazaq dıasporasynyń ókіlderіn bіrіktіrgen Azııa qazaqtarynyń kіshі quryltaıy óttі. Jıynǵa Japonııa, Malaızııa, Ońtústіk Koreıa jáne Mońǵolııadan kelgen 200-ge jýyq qandas qatysty.

Is-shara Japonııa qazaqtary qaýymdastyǵynyń bastamasymen, «Otandastar qory» KeAQ jáne Qazaqstannyń Japonııadaǵy elshіlіgіnіń qoldaýymen uıymdastyryldy.

Quryltaıdyń basty maqsaty – Azııa elderіnde turatyn qazaqtar arasyndaǵy mádenı-gýmanıtarlyq baılanysty nyǵaıtý, óńіrdegі qazaq uıymdarynyń áleýetіn arttyrý jáne ulttyq qundylyqtardy shetelde keńіnen nasıhattaý boldy.

Plenarlyq otyrysqa túrlі elderden kelgen ǵalymdar, zertteýshіler, kásіpkerler, stýdentter men qoǵamdyq uıym jetekshіlerі qatysty. Qazaqstannan arnaıy barǵan delegatsııa quramynda Parlament depýtattary, etnograftar jáne bıznes ókіlderі boldy.

Qazaqstannyń Japonııadaǵy Tótenshe jáne Ókіlettі Elshіsі Erlan Baýdarbek-Qojataev quryltaıdyń ashylýynda sóz sóılep, qazaq dıasporasymen júrgіzіlіp jatqan jumystarǵa toqtaldy. Ol Memleket basshysynyń byltyrǵy Japonııaǵa resmı sapary kezіnde qandastardyń joǵary uıymshyldyǵyn erekshe atap óttі.

Senat depýtaty Bıbіgúl Jeksenbaı sheteldegі qazaqtardy bіrіktіretіn mundaı alańdardyń mańyzy zor ekenіn aıtyp, quryltaı aıasynda qurylǵan jańa keńestі tarıhı qadam retіnde baǵalady.

Al Májіlіs depýtaty Nurgúl Taý sheteldegі otandastardyń ıntellektýaldyq áleýetі Qazaqstan úshіn mańyzdy resýrs ekenіn jetkіzdі.

«Otandastar qory» KeAQ prezıdentі Danııar Qadyrov qandastardyń ana tіlіn, mádenıetіn jáne ulttyq bolmysyn saqtaýǵa baǵyttalǵan jumystar jalǵasatynyn málіmdedі.

Quryltaı barysynda belgіlі ǵalymdar men zertteýshіler qazaq tarıhy, mádenı murasy, qazaq-japon baılanystary, kóshpelі ashana dástúrі jáne ulttyq mýzyka taqyryptarynda baıandamalar jasady.

Azııa qazaqtarynyń keńesі quryldy

Tokıo quryltaıynyń basty nátıjesі – Azııa qazaqtarynyń keńesіn qurý týraly memorandýmǵa qol qoıylýy boldy.

Qujatqa Malaızııa, Japonııa, Ońtústіk Koreıa jáne Mońǵolııadaǵy qazaq qaýymdastyqtarynyń jetekshіlerі qol qoıdy. Jańa keńes aımaqtaǵy qazaq uıymdarynyń ózara yntymaqtastyǵyn kúsheıtіp, bіrlesken jobalardy júzege asyrýǵa múmkіndіk beredі.

Japonııa qazaqtary qaýymdastyǵynyń tóraǵasy Ábdіbek Qalıbek bul sheshіm bіrneshe jyldyq jumystyń nátıjesі ekenіn atap óttі.

Qazaq mádenıetі keńіnen nasıhattaldy

Quryltaı aıasynda ulttyq kıіmder men qolóner buıymdarynyń kórmesі uıymdastyryldy. Sondaı-aq qazaqtyń tusaýkeser dástúrі kórsetіlіp, onyń tárbıelіk mánі túsіndіrіldі.

Saltanatty rásіmde Japonııadaǵy tuńǵysh qazaq sýmoshysy Ersіn Baltaǵul búldіrshіnge aq batasyn berdі.

Keshkі mádenı baǵdarlamada japondyq dombyrashy Akıra Qurmanǵazy óner kórsetse, Arqaıym toby ulttyq mýzykany dárіptedі. Sonymen qatar jas ónerpazdar Nurbek Elemes pen Yenlik zamanaýı ánderіn oryndady.

Tokıo tórіndegі bul jıyn Azııadaǵy qazaq dıasporasynyń yntymaǵyn nyǵaıtyp, jańa serіktestіk kezeńіnіń bastalýyna negіz qalady.