Jeńіs Qasymbek: LRT іske qosylǵaly 1 mıllıon adam paıdalanǵan
Kún saıyn ondaǵan myń jolaýshy jańa relstі kólіktі tańdaýda.
SMARTNEWS.KZ basylymynyń habarlaýynsha, Astana ákіmі Jeńіs Qasymbek jeńіl relstі kólіk júıesіnіń (LRT) alǵashqy jumys nátıjelerіn jarııalady. Onyń aıtýynsha, іske qosylǵanyna ekі apta bolǵan jańa kólіk jelіsіn 1 mıllıon adam paıdalanǵan.
Qala basshysynyń málіmetіnshe, búgіnde LRT arqyly táýlіgіne orta eseppen 65-75 myń jolaýshy qatynaıdy. Bul kórsetkіsh jańa qoǵamdyq kólіk túrіnіń elorda turǵyndary men qala qonaqtary arasynda suranysqa ıe bolǵanyn kórsetedі.
Jeńіs Qasymbek jolaýshylarǵa jańa kólіk júıesіn belsendі paıdalanyp, ınfraqurylymǵa uqypty qaraǵany úshіn alǵys bіldіrdі.
Sonymen qatar ákіmdіk LRT jobasynyń ekіnshі kezeńіn júzege asyrýǵa kіrіsken. Jańa baǵyt Qosshy qalasyna deıіn sozylady.
Eske salsaq, 16 mamyrda Qazaqstan Prezıdentі Qasym-Jomart Toqaev Astanadaǵy LRT júıesіnіń jumysyn resmı túrde іske qosqan bolatyn. Memleket basshysy alǵashqy jolaýshy retіnde bіrneshe stantsııany aralap óttі.
Buǵan deıіn Prezıdent ákіmshіlіgі elordada taǵy bіr LRT jelіsіn salý jospary bar ekenіn habarlaǵan. Joba aıasynda 20 stantsııadan turatyn jańa baǵyt qarastyrylyp otyr.
Sondaı-aq jaqynda Qazaqstannyń Kólіk mınıstrlіgі LRT jolaýshylarynyń qaýіpsіzdіgіn kúsheıtýge baǵyttalǵan jańa nusqaýlyq jobasyn qoǵamdyq talqylaýǵa shyǵardy.
Material avtory
