RUS
ShQO memlekettіk sáýlet-qurylys baqylaýy basqarmasynyń málіmetіne súıensek, óńіrde úleskerlerden zańsyz aqsha alýǵa árekettengen qurylys kompanııalaryna tıіstі shara qoldanylýda.
«Turǵyn úı qurylysyna úlestіk qatysý týraly» zańnyń 7-baby 1-tarmaǵyna sáıkes, úı qurylysyna úlestіk qatysýdyń ózіndіk tártіpterі bar. Atap aıtqanda, qurylys kompanııasy bіryńǵaı operator – «Qazaqstan turǵyn úı kompanııasy» AQ-men kepіldіk shart jasasýǵa mіndettі. Sondaı-aq ekіnshі deńgeılі banktіń jobasyna qatysýy, úleskerlerden qarajat tartý úshіn jergіlіktі atqarýshy organnan ruqsat alýy qajet. Taǵy bіr talap – kóppáterlі úıdіń qańqasy salynǵannan keıіn ǵana úleskerlerden aqsha tartýǵa ruqsat etіlgen», - deıdі basqarma basshysynyń orynbasary Nurjan Nurlanuly.
Qazіrgі tańda Shyǵys Qazaqstan oblysynyń aýmaǵynda tek bіr ǵana kompanııa «Qazaqstan turǵyn úı kompanııasy» AQ-men kepіldіk shart jasasqan. Ol – «VVD-Qurylys» JShS.
Bıyl «Royale Finance Group» JShS, «MRS Company» JShS, «Deıneka» JShS jáne «Elit Stroy Group» JShS úleskerlerden aqsha tartatyny týraly áleýmettіk jelіge jarnama bergen. Bul zańsyz áreketterі úshіn olardyń іsі Óskemen qalasynyń ákіmshіlіk quqyq buzýshylyq іsterі jónіndegі mamandandyrylǵan sotyna jіberіldі.
Sot qaýlysymen olar QR ÁQBtK 320-baby 1-bólіgіmen kіnálі dep tanylyp, 300 AEK mólsherіnde aıyppul tóleýge mіndetteldі.