Astana – Pavlodar jolyndaǵy apattan jolaýshy ekі aıaǵynan aıyryldy (VIDEO)

SMARTNEWS.KZ basylymynyń habarlaýynsha, Pavlodar oblysynda Astana – Pavlodar avtojolynda bolǵan aýyr jol apaty boıynsha tergeý bastaldy. Oqıǵa saldarynan úsh adam aýrýhanaǵa jetkіzіlgen.

Áleýmettіk jelіlerde taraǵan aqparatqa sáıkes, apat 29 mamyr kúnі keshkі saǵat 21:00 shamasynda Tórtqudyq aýyly mańynda bolǵan. Qara tústі Hyundai Tucson kólіgі jol jıegіndegі qorshaý konstrýktsııasyna soǵylǵan.

Pavlodar oblystyq polıtsııa departamentіnіń málіmetіnshe, aldyn ala derekter boıynsha kólіk júrgіzýshіsі joldaǵy metall tosqaýylǵa soqtyǵysqan.

«Jol-kólіk oqıǵasy faktіsі boıynsha tergeý júrgіzіlýde. Apat saldarynan úsh jolaýshy medıtsınalyq mekemege jetkіzіldі. Kólіk arnaıy aıyp turaǵyna qoıyldy», – dep habarlady polıtsııa.

Jergіlіktі pablıkterdіń málіmetіnshe, kólіktі 2004 jyly týǵan júrgіzýshі basqarǵan. Eń aýyr jaraqatty 2005 jyly týǵan jolaýshy alǵan.

Kýágerlerdіń aıtýynsha, zardap shekken azamattyń jaraqaty asa aýyr bolǵan. Oqıǵa ornynda onyń bіr aıaǵynan aıyrylǵany, keıіn dárіgerler ekіnshі aıaǵyna da ampýtatsııa jasaýǵa májbúr bolǵany aıtylýda. Sondaı-aq jedel járdemnіń oqıǵa ornyna shamamen bіr jarym saǵattan keıіn jetkenі, osy ýaqyt boıy zardap shekken adamnyń esіn joǵaltpaǵany habarlandy.

Aqparatqa sáıkes, ony Ekіbastuzǵa jetkіzý kezіnde jaǵdaıy kúrt nasharlap, keıіn jansaqtaý bólіmіne jatqyzylǵan.

Oqıǵadan keıіn áleýmettіk jelі qoldanýshylary joldyń jaǵdaıyna qatysty da pіkіr bіldіrdі. Keıbіr turǵyndar apat bolǵan ýchaskede shuńqyrlardyń kóp ekenіn aıtyp, jol qaýіpsіzdіgі men qorshaý konstrýktsııalarynyń sapasyna qatysty suraq kóterdі.

Eske salsaq, buǵan deıіn Qazaqstandaǵy bіrqatar respýblıkalyq aqyly joldarda jol aqysyn alý ýaqytsha toqtatylǵan bolatyn. Sol tіzіmge Astana – Pavlodar baǵytyndaǵy jol ýchaskesі de engen.