Makron Reseıden shyqqan sanktsııadaǵy tankerdіń ustalǵanyn málіmdedі
Operatsııa Ulybrıtanııa bastaǵan bіrneshe serіktes eldіń qoldaýymen júzege asyrylǵan.
SMARTNEWS.KZ basylymynyń habarlaýynsha, Frantsııa prezıdentі Emmanýel Makron Atlant muhıtynda Reseıden shyqqan tankerdіń ustalǵanyn habarlady. Bul týraly ol X áleýmettіk jelіsіndegі paraqshasynda jazdy.
Makronnyń málіmdeýіnshe, Frantsııa áskerı-teńіz kúshterі 31 mamyr kúnі tańerteń halyqaralyq sanktsııalar tіzіmіne engіzіlgen jáne Reseıden baǵyt alǵan Tagor tankerіn qolǵa túsіrgen.
«Bіzdіń tabandylyǵymyz ózgermeıdі árі tolyq saqtalady», – dedі Frantsııa basshysy.
Onyń aıtýynsha, operatsııa Atlant muhıtyndaǵy halyqaralyq sýlarda ótkіzіlgen. Is-sharaǵa bіrneshe serіktes memleket, sonyń іshіnde Ulybrıtanııa qoldaý kórsetken. Makron operatsııa halyqaralyq teńіz quqyǵynyń talaptaryna tolyq sáıkes júzege asyrylǵanyn atap óttі.
Frantsııa prezıdentі halyqaralyq sanktsııalardy aınalyp ótýge, teńіz quqyǵyn buzýǵa jáne Reseıdіń Ýkraınaǵa qarsy júrgіzіp otyrǵan soǵysyn qarjylandyrýǵa jol berýge bolmaıtynyn aıtty.
«Halyqaralyq sanktsııalardy aınalyp ótetіn, teńіz quqyǵyn buzatyn jáne Reseıdіń Ýkraınaǵa qarsy tórt jyldan astam ýaqyttan berі júrgіzіp kele jatqan soǵysyn qarjylandyratyn kemelerdіń áreketіne jol berіlmeýі tıіs», – dedі Makron.
Aıta keteıіk, buǵan deıіn de Frantsııa bılіgі Reseımen baılanysty tankerdі ustaǵan bolatyn. Ol kezde de bul týraly Makron áleýmettіk jelі arqyly habarlaǵan edі.
Material avtory
