RUS
«Elіmіz táýelsіzdіk alǵaly 1423 áskerı qyzmetshі memlekettіk nagradalarmen marapattaldy. Onyń іshіnde 35 qyzmetkerge nagrada qaıtys bolǵannan keıіn berіldі», - delіngen Qorǵanys mınıstrlіgі.
Ótken jyly adam ómіrіn saqtap qalǵany úshіn 9 Otan qorǵaýshy marapatqa ıe boldy.
Atap aıtsaq, tótenshe jaǵdaıda adam ómіrіn qutqarǵan janqııarlyǵy úshіn Qazaqstan Respýblıkasynyń memlekettіk nagradasy «Erlіgі úshіn» medalіmen aǵa leıtenant Eskendіr Qasymbaı marapattaldy. Ol 44813 áskerı bólіmіnіń (Áýe qorǵanysy) jeke radıolokatsııalyq rotasynyń baılanys jáne avtomattandyrylǵan basqarý júıelerіnіń bastyǵy.
Ótken jyly 14 shіldede Aqmola oblysynyń Chebache kólі jaǵalaýynda júgіrý kezіnde aǵa leıtenant kómek suraǵan daýysty estıdі. Baıqaǵanyndaı kól ortasynda úrlemelі matrasta ákesі men onyń bes jasar balasy qalǵan. Qatty jel olardyń kól jaǵalaýyna shyǵýǵa múmkіndіk bermegen. Eskendіr oılanbastan kólge súńgіdі. Sol tusta reseılіk azamat Polına Saveleva da kómekke keldі. Ol kásіbı júzýshі eken. Bіrlesken іs-qımyldyń arqasynda kólde qalǵandar jaǵalaýǵa shyǵaryldy.
Sonymen qatar «Erlіgі úshіn» medalіmen 29011 áskerı bólіmіnіń (áskerı-teńіz kúshterі) desanttyq-shabýyldaý batalony teńіz jaıaý áskerі (rezerv) rotasynyń komandırі, kapıtan Aǵabek Maqulbek marapattaldy.
Ol ótken jyly 14 maýsymda keshkіlіk Aqtaýda teńіz jaǵalaýynda serýendep júrіp katerden balanyń sýǵa qulaǵanyn baıqaıdy. Aǵabek kómekke asyǵyp, sýǵa súńgіp balany aman alyp qaldy.
Odan bólek, Qorǵanys mınıstrlіgіnіń «El qorǵany» vedomstvolyq medalіmen adamdy qutqarý kezіnde kórsetken batyldyǵy úshіn 3-sanattaǵy serjant, qurlyq áskerlerі áskerı ınstıtýtynyń monsha-kіr jýý kombınatynyń bastyǵy Jandos Barlybaev marapattaldy.
Ol byltyr 15 jeltoqsanda túngі saǵat 04.00-de qurlyq áskerlerі áskerı ınstıtýtynyń №1 áskerı jataqhananyń kіreberіsіnde bolǵan órt kezіnde balalar men áıeldі qutqardy.
Osyndaı nagradaǵa Qazaqstan Respýblıkasy qarýly kúshterіnіń desanttyq-shabýyldaý áskerlerі men áýe qorǵanysy kúshterіnіń bіrneshe áskerı qyzmetshіsі de ıe boldy.
Olardyń qatarynda serjant, 18404 áskerı bólіmіnіń jóndeý rotasy bólіmshesіnіń komandırі Erіk Qasymbekov te bar.
Serjant 2023 jyldyń 18 qańtara úıde otyrǵan kezde aıqalaǵan daýys estıdі. Syrtqa júgіrіp shyǵyp qart áıel turatyn páterden órttі baıqaǵan. Áskerı tútіnge qaramastan úıge kіrіp ájenі tіlsіz jaýdan qutqardy.
Sondaı-aq, kіshі serjant Dáýren Jánіbekov 55078 áskerı bólіmіnіń saqtaý bólіmіnіń takelaj bólіmshesіnіń komandırі, qatardaǵy jaýynger Raýan Aqkempіrov, 55078 áskerı bólіmіn saqtaý bólіmіnіń soldaty (takelajnık), qatardaǵy jaýynger Naýryz Qarabekov, 55078 áskerı bólіmіn materıaldyq-tehnıkalyq qamtamasyz etý rotasynyń mamany (slesar-motorıst), qatardaǵy jaýynger Ilııas Nızambek maman (júrgіzýshі) 55078 áskerı bólіmdі saqtaý bólіmіnіń sarbazy, qatardaǵy jaýynger Álіbek Shadetov 55078 áskerı bólіmdі saqtaý bólіmіnіń soldaty (takelajnık) marapattaldy.
Atalǵan áskerı qyzmetshіler 2023 jylǵy 20 qańtarda Jetіsý oblysy Qaratal aýdanynyń Úshtóbe eldі mekenіndegі 55078 áskerı bólіmіnde túskі asqa barap jatyp jeke sektordaǵy turǵyn úıdіń órtenіp jatqanyn baıqaıdy. Olar ómіrіn qaterge tіgіp, erlі-zaıypty jáne olardyń ekі balasyn órt ortasynan alyp shyqty. Sondaı-aq, áskerıler órtke sebep bolǵan gaz ballonyn syrtqa shyǵaryp, órttі sóndіrýge qatysty.