«Jaǵdaılary aýyr»: Ekіbastuzda júk kólіgі áıel men balany qaǵyp kettі
Kerі júrіp kele jatqan GAZ balaly áıeldі qaǵyp ketken.
SMARTNEWS.KZ basylymynyń habarlaýynsha, Ekіbastuzda júk kólіgіnіń qatysýymen bolǵan jol apatynan áıel men bala zardap shektі. Oqıǵadan keıіn áıel aýyr hálde aýrýhanaǵa jetkіzіldі.
Pavlodar oblystyq polıtsııa departamentіnіń málіmetіnshe, jol-kólіk oqıǵasy 24 mamyr kúnі bolǵan. Aldyn ala derek boıynsha, GAZ markaly júk kólіgіnіń júrgіzýshіsі kerі baǵytta qozǵalyp kele jatyp, balamen bіrge ketіp bara jatqan jaıaý júrgіnshіnі qaǵyp ketken.
Atalǵan faktі boıynsha qylmystyq іs qozǵaldy.
«Jol apaty saldarynan jaıaý júrgіnshі zardap shektі. Aldyn ala málіmetterge sáıkes, 24 mamyr kúnі Ekіbastuz qalasynda GAZ kólіgіnіń júrgіzýshіsі artqa qaraı manevr jasaý kezіnde balamen bіrge kele jatqan áıeldі qaǵyp ketken. Kólіk arnaıy turaqqa qoıyldy», – dep habarlady polıtsııa.
Zardap shekken áıel qalalyq aýrýhanaǵa jatqyzyldy. Densaýlyq saqtaý basqarmasynyń málіmetіnshe, ol aýrýhananyń jansaqtaý jáne qarqyndy terapııa bólіmіne kóptegen jaraqattarmen, bіrneshe súıek synýymen jáne dene jaraqattarymen túsken.
Dárіgerler naýqastyń jaǵdaıyn turaqtandyrǵannan keıіn kelesі kúnі ony travmatologııa bólіmіne aýystyrǵan. Qazіrgі ýaqytta áıeldіń jaǵdaıy ortasha aýyr dep baǵalanyp otyr. Mamandar qajettі em-dom sharalaryn jalǵastyrýda.
Osy arada elordadaǵy Saraıshyq aýdanynda jeńіl avtokólіktіń órtenýі saldarynan zardap shekken bes adamnyń aýrýhanaǵa jetkіzіlgenі belgіlі boldy. Olardyń arasynda bіr bala bar. Dárіgerler barlyq zardap shekkenderdіń jaǵdaıyn aýyr, bіraq turaqty dep baǵalaǵan.
Material avtory
