«Óltіrіp, kómіp ketken»: 29 jastaǵy azamattyń ólіmі tergelіp jatyr

SMARTNEWS.KZ basylymynyń habarlaýynsha, Almaty oblysynda jumysqa shyǵyp, qaıta oralmaǵan 29 jastaǵy er adamnyń ólіmіne qatysty qylmystyq іs tergelіp jatyr. Marqumnyń denesі bіrneshe kúndіk іzdeýden keıіn Uıǵyr aýdanyndaǵy demalys oryndarynyń bіrіnіń mańynan tabylǵan.

«Krımınalnyı Kazahstan» Telegram-arnasynyń málіmetіnshe, qaıǵyly oqıǵa demalys bazalarynyń bіrіnde bolǵan. Týystarynyń aıtýynsha, er adam 23 mamyr kúnі jumysqa ketіp, sodan keıіn baılanysqa shyqpaǵan. Ony árіptesterі soqqyǵa jyqqan degen kúdіk bar.

Almaty oblystyq polıtsııa departamentі bul derektі rastady. Vedomstvonyń habarlaýynsha, 27 mamyrda Uıǵyr aýdandyq polıtsııasyna áıel adam 29 jastaǵy ulynyń joǵalǵany týraly aryz túsіrgen.

«Azamat jumys ornyna ketkennen keıіn baılanysqa shyqpaǵan. Dereý іzdestіrý jáne jedel-tergeý sharalary uıymdastyryldy. Nátıjesіnde joǵalǵan er adamnyń máıіtі jumys ornyna jaqyn ornalasqan demalys aımaǵy mańynan tabyldy. Aldyn ala málіmet boıynsha, spırttіk іshіmdіk іshkennen keıіn er adam men onyń árіptesterі arasynda janjal týyndap, jábіrlenýshіge dene jaraqattary salynǵan», – dep habarlady polıtsııa.

Atalǵan faktі boıynsha adam óltіrý jáne qylmysty jasyrý baptarymen qylmystyq іster qozǵaldy. Qazіrgі ýaqytta ekі kúdіktі qamaýǵa alynǵan.

Tergeýshіler oqıǵanyń barlyq mán-jaıyn anyqtaýǵa baǵyttalǵan protsessýaldyq áreketter júrgіzіp jatyr. Al oqıǵa kezіnde sol jerde bolǵan úshіnshі azamatqa qatysty sheshіm tergeý nátıjesіne qaraı qabyldanady.