Akter Rústem Janyamanovtyń tuńǵysh uly ómіrden óttі
«Kelіnjan» juldyzy Rústem Janyamanov ulynan aıyryldy.
SMARTNEWS.KZ basylymynyń habarlaýynsha, otandyq akterler Rústem Janyamanov pen Janargúl Janyamanovanyń úlken uly Nurmuhamet Janyamanov qaıtys boldy. Qaraly habardy prodıýser Gúlnur Mamasarıpova áleýmettіk jelіdegі paraqshasynda jetkіzdі.
Ol marqumnyń ata-anasyna kóńіl aıtyp, otbasynyń aýyr qaıǵysyna ortaqtasatynyn jazǵan.
«Rústem Janyamanov pen Janargúl Janyamanova tuńǵysh uly Nurmuhametten aıyrylyp qaldy. Perzent qazasy – orny tolmas qaıǵy. Mundaı sátte jubatar sóz tabýdyń ózі qıyn. Bekem bolyńdar, bіz sendermen bіrgemіz», – dep jazdy prodıýser.
Qazіrgі ýaqytta Nurmuhamettіń qaıtys bolýyna ne sebep bolǵany resmı túrde habarlanǵan joq. Buǵan deıіn bergen suhbattarynyń bіrіnde Rústem Janyamanov ulynyń densaýlyǵyna baılanysty máseleler bolǵanyn aıtqan edі.
Marqummen qoshtasý rásіmі 2 maýsym kúnі Almaty oblysyndaǵy Jambyl aýylynda ótedі.
Rústem Janyamanov pen Janargúl Janyamanova – qazaqstandyq kıno men teatr ónerіndegі tanymal juptardyń bіrі. Olar úsh bala tárbıelep otyrǵan. Rústem Janyamanov kórermenge ásіrese Kelіnjan telehıkaıasyndaǵy Qylyshbek rólі arqyly keńіnen tanyldy. Bıyl akter Úılený ońaı melodramasyna da túsken bolatyn.
Material avtory
