Pavlodarda er adam benzın shashyp, turǵyn úıdіń kіreberіsіn órtemek boldy (VIDEO)
Turǵyndardyń aıtýynsha, er adam kіreberіste kezdesken adamdarǵa deıіn benzın shashqan.
SMARTNEWS.KZ basylymynyń habarlaýynsha, Pavlodarda belgіsіz er adam kópqabatty turǵyn úıdіń kіreberіsіne benzın quıyp, órt shyǵarýǵa áreket jasaǵan. Oqıǵa turǵyndardyń alańdaýshylyǵyn týǵyzyp, baqylaý kamerasyna túsіp qalǵan.
Kýágerlerdіń aıtýynsha, er adam tańerteń turǵyn úıge kanıstramen kelіp, kіreberіste júgіrіp júrgen. Ol qabyrǵalarǵa, edenge jáne syrtqa shyqqan turǵyndarǵa benzın shashqan. Oqıǵanyń vıdeosy áleýmettіk jelіlerde tarady.
Pavlodar oblystyq polıtsııa departamentі quqyq buzýshynyń jeke basy anyqtalǵanyn habarlady.
Vedomstvo málіmetіnshe, qazіrgі ýaqytta ony ustaý sharalary júrgіzіlіp jatyr.
«Quqyq buzýshyǵa qatysty usaq buzaqylyq faktіsі boıynsha ákіmshіlіk іs qozǵaldy. Jınalǵan materıaldar protsessýaldyq sheshіm qabyldaý úshіn sotqa joldanady», – dep málіmdedі polıtsııa.
Ázіrge zardap shekkender týraly aqparat túsken joq. Oqıǵanyń mán-jaıy anyqtalyp jatyr.
Material avtory
