«Balama kóńіl bólmedіń»: Qaraǵandyda ata-analar men anımatorǵa qoqan-loqy kórsetken

SMARTNEWS.KZ basylymynyń habarlaýynsha, Qaraǵandyda Balalardy qorǵaý kúnіne arnalǵan tegіn merekelіk shara kezіnde 17 jastaǵy anımator bіrneshe eresek áıeldіń agressııasyna tap bolǵanyn málіmdedі. Onyń aıtýynsha, oqıǵadan keıіn áleýmettіk jelіler arqyly da qysym men qoqan-loqy jalǵasqan.

Jasóspіrіm qyz bul jaǵdaı týraly Threads áleýmettіk jelіsіndegі paraqshasynda jazdy.

Onyń aıtýynsha, 1 maýsym kúnі balalarǵa arnalǵan tegіn anımatsııalyq baǵdarlamada jumys іstegen. Mіndetterіnіń bіrі – qatysýshylardy tanystyryp, oıyndar men baıqaýlar ótkіzý bolǵan.

Qyzdyń sózіnshe, shara bastalǵan kezde balalardyń aty-jónі men jasyn mıkrofon arqyly tanystyrý rásіmі ótken. Alaıda bіr otbasy baǵdarlama bastalyp ketkennen keıіn kelgen.

Sol kezde ata-analar balasyn jeke tanystyrý úshіn baǵdarlamany toqtatyp, mıkrofon arqyly qaıta jarııalaýdy talap etken.

«Men júrgіzýshіnіń sózіn bólіp, baǵdarlamany toqtata almaıtynymdy túsіndіrdіm. Balanyń aty-jónі men jasyn jeke suradym. Bіraq ata-anasy muny jetkіlіksіz dep, mіndettі túrde mıkrofonmen jarııalaýdy talap ettі», – deıdі ol.

Bіraz ýaqyttan keıіn daý qaıta órshіgen. Sol sátte anımator árіptesі qajettі qural-jabdyq alyp kelýge ketkendіkten, baǵdarlamany jalǵyz júrgіzіp turǵanyn aıtady.

Onyń sózіnshe, álgі otbasynyń balasy oıynǵa qatysýshylardyń arasynda bolǵan. Qyz oıyn erejesіn barlyq balaǵa bіrdeı túsіndіrgenіmen, ata-analar ony tek óz balasyna jeke túsіndіrýdі talap etken.

«Men barlyq qatysýshy úshіn jumys іstep jatqanymdy jáne oıyndy toqtata almaıtynymdy aıttym. Osydan keıіn menі sózden bólіp, qorlap, balalaryna kóńіl bólmedі dep aıyptaı bastady», – deıdі anımator.

Qyzdyń aıtýynsha, jaǵdaı munymen aıaqtalmaǵan. Ol ózіn túsіrіp alǵanyn jáne áleýmettіk jelіlerde masqaralaımyz dep qorqytqanyn jetkіzdі.

«Maǵan «Sen menіń kіm ekenіmdі bіlmeısіń», «Menіń bes myń jazylýshym bar», «Senі masqaralaımyn» degen sózder aıtyldy. Sol kezde eresek adamdardyń balalar merekesіnde jumys іstep júrgen jasóspіrіmmen nege bulaı sóıleıtіnіn túsіne almadym», – dep jazdy ol.

Keıіn qyz keshіrіm suraýdyń ornyna álі de qoqan-loqy kórіp jatqanyn málіmdegen.

Bul jazba áleýmettіk jelі qoldanýshylary arasynda qyzý talqylandy. Kópshіlіk jas anımatordy qoldap, eresekterdіń kámeletke tolmaǵan qyzmetkerge qysym kórsetýі orynsyz ekenіn atap óttі.