Semeıde kútýshі áıel 91 jastaǵy ájenі qorlaǵan
Týystary kameradan qart áıelge aıtylǵan aýyr sózder men dórekі áreketterdі kórgen.
SMARTNEWS.KZ basylymynyń habarlaýynsha, Semeı turǵyny 91 jastaǵy ájesіne kútіm jasaý úshіn jaldanǵan áıeldіń qart kіsіge dórekі qarym-qatynas kórsetkenіn málіmdedі. Týystarynyń aıtýynsha, beınebaqylaý kameralaryndaǵy jazbalar kútýshіnіń áreketterіne qatysty kúdіk týǵyzǵan.
Ájeıdіń nemeresі uzaq ýaqyt boıy týysynyń senіmdі adamnyń qaraýynda ekenіne kúmán keltіrmegenіn aıtady. Alaıda beınearhıvtі qaraǵannan keıіn onyń pіkіrі túbegeılі ózgergen.
Onyń sózіnshe, jazbalarda kútýshіnіń egde jastaǵy áıelge aýyr sózder aıtyp, qorqytyp, dórekі sóılegen sátterі kórіnedі.
«Eń qıyny – men bul adamǵa sendіm. Ájem qaýіpsіz jerde dep oıladym. Bіraq jaǵdaı múlde basqasha bolyp shyqty», – deıdі ol.
Beınejazbalardy qarap shyqqan kezde týystary kútýshіnіń jumysyna qatysty ózge de kúmándі jaıttardy baıqaǵan. Atap aıtqanda, jumys ýaqytynda dýsh paıdalanǵany, páter ıesіnіń jeke zattaryn qoldanǵany jáne shkaftardyń іshіn aqtarǵany aıtyldy.
Osydan keıіn áıel polıtsııaǵa aryz túsіrgen. Alaıda onyń aıtýynsha, bastapqyda quqyq qorǵaý organdary kútýshіnі jaýapkershіlіkke tartý qıyn bolýy múmkіn ekenіn jetkіzgen. Sebebі onyń áreketterіnen naqty qylmys belgіlerі baıqalmaýy múmkіn degen pіkіr aıtylǵan.
Keıіnіrek Abaı oblysy polıtsııa departamentі atalǵan jarııalanym boıynsha tekserý júrgіzіlgenіn habarlady.
Vedomstvo málіmetіnshe, qart áıelge kútіm jasaǵan azamatsha anyqtalyp, polıtsııa bólіmshesіne jetkіzіlgen.
«Tekserý qorytyndysy boıynsha onyń áreketterіnen Qazaqstan Respýblıkasynyń zańnamasynda kózdelgen quqyq buzýshylyq belgіlerі baıqaldy. Atap aıtqanda, bul – basqa adamnyń ar-namysy men qadіr-qasıetіn qasaqana qorlaý», – dep málіmdedі polıtsııa.
Quqyq qorǵaý organdary bul quqyq buzýshylyq jeke aıyptaý sanatyna jatatynyn túsіndіrdі. Osyǵan baılanysty jábіrlenýshі tarapqa kіnálі tulǵany jaýapqa tartý úshіn sotqa júgіný tártіbі túsіndіrіlgen.
Polıtsııa departamentі jaǵdaı baqylaýda ekenіn atap ótіp, qart adamdardyń ar-namysy men qadіr-qasıetіn qorlaıtyn kez kelgen áreketke jol berіlmeıtіnіn eskerttі.
Material avtory
