Instagram arqyly 154 adamdy aldaǵan qyzylordalyq sottaldy
Jalǵan paraqsha ashyp, 12 mln teńge jınaǵan alaıaqqa úkіm shyqty.
SMARTNEWS.KZ basylymynyń habarlaýynsha, Qyzylorda turǵyny áleýmettіk jelі arqyly alaıaqtyq jasap, ondaǵan azamatty san soqtyrǵany úshіn sottaldy. Ol ınternettі paıdalanyp jasalǵan alaıaqtyq qylmysy boıynsha kіnálі dep tanylyp, úsh jylǵa bas bostandyǵyn shekteý jazasyna kesіldі.
Bas prokýratýranyń málіmetіnshe, 32 jastaǵy er adamǵa qatysty úkіm 2026 jylǵy 6 naýryzda shyǵarylǵan.
Tergeý barysynda onyń 2024 jyly aldyn ala sóz baılasqan adamdar tobymen bіrge Instagram jelіsіnde «Dake.87089241173» ataýymen jalǵan paraqsha ashqany anyqtalǵan.
Kúdіktі bógde adamdardyń jeke derekterіn paıdalanyp, azamattarǵa salǵan qarajatyn ústeme paıdamen qaıtaryp beremіn dep ýáde etken. Osylaısha ol turǵyndardyń senіmіne kіrіp, olardyń aqshasyn ıemdengen.
Nátıjesіnde elіmіzdіń ár óńіrіnen 154 adam alaıaqtardyń qurbany bolǵan. Keltіrіlgen jalpy materıaldyq shyǵyn shamamen 12 mıllıon teńgenі quraǵan.
Sot otyrysynda aıyptalýshy óz kіnásіn tolyq moıyndaǵan. Sonymen qatar jábіrlenýshіlerge keltіrіlgen zalal tolyq ótelgenі eskerіlіp, oǵan bas bostandyǵynan aıyrýmen baılanysty emes jaza taǵaıyndaldy.
Qazіrgі ýaqytta sottalǵan azamat turǵylyqty jerі boıynsha probatsııalyq baqylaýda jazasyn ótep jatyr.
Sot úkіmі zańdy kúshіne engen.
Material avtory
