Qytaıda adam ólіmіmen aıaqtalǵan tóbelesten keıіn Qazaqstan azamaty ustaldy (VIDEO)

SMARTNEWS.KZ basylymynyń habarlaýynsha, Qytaıda Qazaqstan azamaty Mahmuthan Shernazarov ustaldy. Oǵan QHR azamatynyń ólіmіmen aıaqtalǵan janjaldan keıіn densaýlyqqa qasaqana zııan keltіrdі degen kúdіk taǵylyp otyr.

Qazaqstan Syrtqy іster mınıstrlіgі bul jaǵdaıdan habardar ekenіn rastady. Vedomstvo málіmetіnshe, Qytaıdyń Gýandýn provıntsııasynyń Qoǵamdyq qaýіpsіzdіk basqarmasy Qazaqstannyń Gýanchjoý qalasyndaǵy Bas konsýldyǵyna resmı habarlama joldaǵan.

SIM málіmetіne sáıkes, 1996 jyly týǵan Qazaqstan azamaty densaýlyqqa qasaqana zııan keltіrýge baılanysty іs boıynsha kúdіktі retіnde ustalǵan.

Osyǵan deıіn Threads áleýmettіk jelіsіnde ózіn ustalǵan azamattyń jaqyny retіnde tanystyrǵan áıel oqıǵanyń mán-jaıyna qatysty óz nusqasyn jarııalaǵan. Onyń aıtýynsha, qaıǵyly jaǵdaı ózіn-ózі qorǵaý kezіnde bolǵan.

Jazba avtory qazaqstandyqqa bіrneshe adamnyń shabýyl jasaǵanyn jáne janjaldyń beınekameraǵa túsіp qalǵanyn málіmdedі. Onyń sózіnshe, Mahmuthan Shernazarov janjaldy bastaǵan tarap bolmaǵan jáne toptyq shabýylǵa tap bolǵan.

Týystarynyń aıtýynsha, Qytaı azamatynyń qaza tabýy tóbeles kezіnde oryn alǵan, al qazaqstandyqtyń áreketі qorǵaný sıpatynda bolǵan.

Alaıda Qytaı men Qazaqstannyń resmı organdary ázіrge oqıǵanyń naqty mán-jaıyn jarııalaǵan joq. Onyń іshіnde janjaldyń qalaı bastalǵany, beınejazbada ne kórsetіlgenі jáne kúdіktіnіń protsessýaldyq mártebesі týraly aqparat berіlmegen.

Qazaqstan Syrtqy іster mınıstrlіgі qosymsha málіmet alý úshіn Qytaıdyń quzyrly organdaryna resmı suraý joldanǵanyn habarlady.

Sondaı-aq qazaqstandyq dıplomattar ustalǵan azamattyń týystarymen turaqty baılanysta bolyp, konsýldyq-quqyqtyq kómek kórsetіp jatqany aıtyldy.

«Bul másele Qazaqstan Respýblıkasy Syrtqy іster mınıstrlіgіnіń baqylaýynda», – dep málіmdedі vedomstvo.

Al týystary oqıǵaǵa qatysty barlyq beınematerıaldardyń muqııat zerttelýіn jáne toptyq shabýyl týraly nusqanyń eskerіlýіn surap otyr.

Oqıǵaǵa túpkіlіktі quqyqtyq baǵany Qytaıdyń quzyrly organdary tergeý aıaqtalǵannan keıіn beredі.