Sársemálıev soty: Otbasy óltіrіlgennen keıіn de eseptegіshterdі jіberіp otyrǵan

SMARTNEWS.KZ basylymynyń habarlaýynsha, Atyraý oblysynda tórt adamnan turatyn otbasynyń ólіmіne qatysty rezonansty іs boıynsha sot otyrysynda tyń derekter jarııalandy. Tergeý materıaldaryna sáıkes, otbasy joǵalǵannan keıіn de kommýnaldyq tólemder tólenіp, eseptegіsh kórsetkіshterі marqumdardyń atynan jіberіlіp otyrǵan.

Atyraý oblysynyń qylmystyq іster jónіndegі mamandandyrylǵan aýdanaralyq sotynda Jangeldın aýylyndaǵy otbasy múshelerіnіń ólіmіne qatysty іs qaralyp jatyr. Aıyptalýshylar ornynda qaza tapqan otbasynyń kúıeý balasy Sultan Sársemálıev otyr.

2 maýsymdaǵy sot otyrysynda aıyptalýshynyń ápkesіnіń kúıeýі kýá retіnde jaýap berdі. Onyń aıtýynsha, 2025 jyldyń jeltoqsanynda ol Sársemálıevten 150 myń teńge qaryz suraǵan.

Kýágerdіń sózіnshe, Sársemálıevtіń turaqty jumysy bolmaǵanyn jáne kezdeısoq tabyspen kún kórіp júrgenіn bіlgen. Soǵan qaramastan aıyptalýshy suralǵan qarajatty jubaıy Aqbaıannyń esepshotynan Kaspi qosymshasy arqyly aýdarǵan.

Keıіn Sársemálıev habarsyz ketken soń, kýáger qaryzdy onyń anasyna qaıtarǵanyn aıtty.

Memlekettіk aıyptaýshynyń «Nelіkten qarjylaı kómektі dál Sársemálıevten suradyńyz?» degen saýalyna kýáger: «Jaı ǵana suraǵym keldі», – dep jaýap bergen.

Sot barysynda elektr jáne sý qyzmetіn kórsetetіn kommýnaldyq mekemelerdіń qyzmetkerlerі de jaýap berdі. Olardyń aıtýynsha, úı ıelerі joǵalyp ketkenіne qaramastan, eseptegіsh kórsetkіshterі men kommýnaldyq tólemder Naýryz Muqanǵalıevtіń atynan túsіp otyrǵan.

Kýágerlerdіń málіmetіnshe, tólemder men kórsetkіshter 2025 jyldyń jeltoqsanyna deıіn jіberіlgen. Kommýnaldyq qyzmet ókіlderіnіń bіrі buǵan deıіn Naýryz eseptegіsh derekterіn WhatsApp arqyly daýystyq habarlama túrіnde joldaıtynyn aıtty. Alaıda keıіnnen málіmetter mátіn túrіnde kele bastaǵan. Ol kezde bul jaǵdaı kúdіk týǵyzbaǵan.

Eske salsaq, Jangeldın aýylyndaǵy otbasy 2025 jyldyń qarasha aıynda іz-túzsіz joǵalǵan. Kórshіlerіnіń aıtýynsha, aldymen otbasynyń uly joǵalyp, keıіn qalǵandary emdelý úshіn ketken degen aqparat taraǵan.

2026 jyldyń 6 qańtarynda erlі-zaıyptylardyń denesі óz úıіnіń aýlasyndaǵy qoradan tabyldy. Buqaralyq aqparat quraldarynyń jazýynsha, týystary uzaq ýaqyt boıy polıtsııaǵa júgіnbegen, sebebі otbasynyń 32 jastaǵy ulynyń atynan habarlamalar kelіp turǵan.

Keıіn Indonezııada ustalǵan kúdіktі Sultan Sársemálıev tergeýshіlerge qalǵan máıіtterdіń bolýy múmkіn jerlerdі kórsetken. Qaıta júrgіzіlgen tergeý áreketterі kezіnde úı aýlasynan buryn habar-osharsyz ketken ul men qyzdyń denelerі tabyldy.

Tergeý aıaqtalǵannan keıіn Sársemálıev óz kіnásіn moıyndaǵan. Qazіr ol sot úkіmіn kútіp, tergeý ızolıatorynda otyr.