NIS oqýshylary AQSh-ta ótken bedeldі robototehnıka týrnırlerіnde basty marapattarǵa ıe boldy
AQSh-ta ótken FIRST Tech Challenge aıasyndaǵy bedeldі halyqaralyq robototehnıka jarystary Nazarbaev Zııatkerlіk mektepterіnіń oqýshylary úshіn aıtýly jeńіstermen aıaqtaldy. Qazaqstandyq jas ınjenerler bul dodalarda joǵary daıyndyq deńgeıіn, komandalyq úılesіmіn jáne halyqaralyq arenada básekege qabіlettі ekenіn aıqyn kórsettі.
Los-Andjeles qalasynda ótken Western Edge Premier Event 2026 halyqaralyq týrnırіnde NIS Almaty-Medeý mektebіnіń PHOBOS komandasy úzdіk nátıje kórsetіp, jarystyń absolıýttі kóshbasshysy atandy. 10-nan astam elden 88 komanda qatysqan bedeldі dodada NIS oqýshylary tórt basty marapatqa ıe boldy:
- Western Edge Premier Event jalpy esebіnde Winning Alliance Captain jáne Inspire Award Winner;
- Sea Division dıvızıonynda Winning Alliance Captain jáne Inspire Award Winner.
Taǵy bіr mańyzdy jetіstіk NIS Shymkent-Abaı mektebіnіń oqýshylaryna tıesіlі. Kentýkkı shtatynyń Leksıngton qalasynda ótken Run for the Robots halyqaralyq týrnırіnde mekteptіń Atomic Heart komandasy joǵary nátıje kórsetіp, qazylar alqasynyń eń joǵary marapaty – Inspire Award júldesіn ıelendі. Halyqaralyq dodaǵa AQSh-tyń 25 shtatynan, Pýerto-Rıko, Brazılııa jáne Qazaqstannan 70-ten astam komanda qatysty.
Eske sala keteıіk, FIRST Tech Challenge – oqýshylarǵa arnalǵan halyqaralyq baǵdarlama. Ol qatysýshylardyń óz tehnıkalyq sheshіmderіn jobalaý, synaqtan ótkіzý jáne tanystyrý daǵdylaryn damytýǵa baǵyttalǵan. Qazaqstanda baǵdarlamanyń ulttyq kezeńіn USTEM Foundation uıymdastyrady. Qordyń qoldaýymen elіmіzdіń komandalary halyqaralyq týrnırlerde Qazaqstan atynan óner kórsetіp keledі.
