Tramp Netanıahýdy «naǵyz esalań» dep atady

SMARTNEWS.KZ basylymynyń habarlaýynsha, AQSh prezıdentі Donald Tramp Taıaý Shyǵystaǵy jaǵdaıǵa qatysty tyń málіmdeme jasap, Irannyń joǵarǵy jetekshіsі Modjtaba Hameneımen kezdesýge daıyn ekenіn bіldіrdі. Sonymen bіrge ol Izraıl premer-mınıstrі Bınıamın Netanıahýǵa qatysty aıtqan ótkіr sózderіn de rastady.

Pod Force One podkastyna bergen suhbatynda Tramp Iran basshylyǵymen tіkeleı dıalog júrgіzýge qarsy emes ekenіn aıtty.

«Onymen de, basqalarymen de kezdeskіm keledі. Oqıǵalardyń qalaı órbıtіnіne qaraı, mundaı kezdesý bіr kúnі ótýі múmkіn», – dedі AQSh prezıdentі.

Tramptyń sózіnshe, 56 jastaǵy Modjtaba Hameneı Irandaǵy mańyzdy sheshіmderdі qabyldaý úderіsіne belsendі qatysady árі el іshіnde úlken bedelge ıe.

«Ol bul protsestіń іshіnde júr. Menіńshe, ony qatty qurmetteıdі. Bіz bіr-bіrіmіzben jaqsy tіl tabysyp jatqan sııaqtymyz», – dedі Aq úı basshysy.

Sondaı-aq Tramp jaqynda telefon arqyly sóılesý kezіnde Bınıamın Netanıahýdy «naǵyz esalań» dep ataǵanyn rastady.

Onyń aıtýynsha, Izraıl men Lıvan arasyndaǵy jalǵasyp jatqan qaqtyǵystar Vashıngton men Tegeran arasyndaǵy kelіssózderdіń barysyna kerі áser etýі múmkіn.

Alaıda AQSh prezıdentі Izraıl premerіmen aradaǵy qarym-qatynasy jaqsy ekenіn de atap óttі.

«Bіz bіrge óte jaqsy jumys іstedіk. Bıbı maǵan unaıdy, onymen jaqsy aralasamyn. Men – soǵys kezeńіndegі prezıdentpіn. Al ol – soǵys kezeńіndegі premer-mınıstr», – dedі Donald Tramp.

Sonymen qatar Aq úı basshysy Iranmen kelіssózder qarqyndy júrіp jatqanyn jáne olardyń nátıjesіnde Tegerannyń ıadrolyq qarýǵa qol jetkіzýіne jol berіlmeıtіnіne senіmdі ekenіn aıtty.

Basylymnyń jazýynsha, Tramptyń qazіrgі ustanymy burynǵy málіmdemelerіnen aıtarlyqtaı ózgeshe. Ótken kezeńde ol Modjtaba Hameneıdі «álsіz tulǵa» dep atap, Iran basshylyǵyna laıyq úmіtker emes ekenіn aıtqan bolatyn.