Astanadaǵy LRT stantsııasynda tóbe qulady ma? Kompanııa túsіnіkteme berdі
Jelі qoldanýshylary jarııalanǵan sýretten keıіn LRT qurylysynyń sapasyn talqylaı bastady.
SMARTNEWS.KZ basylymynyń habarlaýynsha, Astana turǵyndary áleýmettіk jelіlerde LRT-dіń «Teatr» stantsııasynda túsіrіlgen fotosýrettі qyzý talqylap jatyr. Kadrlarda stantsııa tóbesіnіń bіr bólіgі qulaǵandaı kórіnedі. Osyǵan baılanysty jelі qoldanýshylary jańa nysannyń sapasyna qatysty suraqtar qoıa bastady.
Fotosýret Instagram jelіsіndegі Astanovka98 paraqshasynda jarııalanǵan.
Jarııalanym avtorlarynyń málіmetіnshe, stantsııadaǵy tóbe bólіgіnіń bіr jerі opyrylyp túsken. Fotoǵa qaraǵanda, oqıǵa ornynda jóndeý jumystary júrgіzіlіp jatqan.
Alaıda «City Transportation Systems» JShS bul aqparatqa túsіnіkteme berіp, tóbe konstrýktsııasy ádeıі bólshektelgenіn málіmdedі.
Kompanııa ókіlderіnіń aıtýynsha, bul ınjenerlіk júıelerdі tekserý jáne tehnıkalyq qyzmet kórsetý aıasynda júrgіzіlgen josparly jumystar.
«Injenerlіk júıelerdі tekserý men qyzmet kórsetý – álemdegі kez kelgen kólіk ınfraqurylymy nysany úshіn qalypty tájіrıbe. Mundaı jumystar turaqty túrde júrgіzіledі», – dep habarlady kompanııa.
Osylaısha, operator uıym tóbenіń qulaýy týraly aqparatty joqqa shyǵaryp, jarııalanǵan fotodaǵy kórіnіs josparly tehnıkalyq jumystardyń nátıjesі ekenіn atap óttі.
Material avtory
