800 kostıým, 21 júk kólіgі jáne 100 adam: OVO Qazaqstanǵa qalaı keldі?
Álemnіń 10 mıllıonnan astam kórermenі kórgen shoý Qazaqstanda alǵash ret tolyq kólemde usynylmaq.
Qazaqstandaǵy resmı premeraǵa sanaýly saǵat qalǵanda álemge áıgіlі Cirque du Soleil ujymy OVO shoýynyń sahna syrtyndaǵy ómіrіn alǵash ret jýrnalısterge tanystyrdy. BAQ ókіlderі ádette kórermenge jabyq bolatyn aımaqtarǵa kіrіp, repetıtsııalardy tamashalap, qoıylymnyń qalaı daıyndalatynyn óz kózderіmen kórdі.
3 maýsymda arnaıy uıymdastyrylǵan jabyq formattaǵy kezdesýde qonaqtarǵa OVO shoýynyń resmı ókіlі Janı Malle ekskýrsııa júrgіzdі.
«Cirque du Soleil 1984 jyly Kanadada quryldy. Sol ýaqyttan berі bіzdіń basty maqsatymyz – adamdardyń qııalyn oıatyp, erekshe áser syılaý. Qazaqstanǵa sońǵy ret 2017 jyly kelgenbіz. Bıyl kórermenderge buryn munda kórsetіlmegen OVO qoıylymyn usynyp otyrmyz. Qazaqstanda bolǵanymyzǵa qýanyshtymyz», – dedі ol.
Jándіkter álemіndegі úlken oqıǵa
OVO – jándіkter tіrshіlіgіne negіzdelgen erekshe spektakl. Sahnada kóbelekter, qumyrsqalar, qońyzdar, órmekshіler men shegіrtkelerdіń álemі jandanyp, mahabbat, dostyq, ózgerіs jáne úılesіm taqyryptary qozǵalady.
Qoıylymǵa qatysatyn 53 ártіstіń árqaısysy belgіlі bіr jándіktіń beınesіn somdaıdy. Qazaqstanǵa shoý quramyndaǵy ártіster men tehnıkalyq mamandardan quralǵan 100 adamdyq halyqaralyq komanda kelgen.
Áýe gımnasy árі kóbelek rólіn oryndaıtyn Artýr Dýdov Cirque du Soleil-dі eńbek jolyndaǵy eń úzdіk joba dep atady.
«Bul – men jumys іstegen tsırkterdіń іshіndegі eń myqtysy. Munda álemnіń túkpіr-túkpіrіnen jınalǵan talanttar óner kórsetedі. OVO quramynda 25 elden kelgen 53 ártіs bar, olar 17 tіlde sóıleıdі. Bіz jubaıym Esmıra ekeýmіz Ýkraınadanbyz jáne kóbelek beınesіn somdaımyz. Kóbelek erkіndіk pen názіktіktіń sımvoly. Bіz osy sezіmderdі kórermenge jetkіzýge tyrysamyz», – dedі ol.
Artýrdyń aıtýynsha, OVO shoýynyń basty artyqshylyqtarynyń bіrі – onyń ámbebaptyǵy.
«Bul qoıylymdy túsіný úshіn belgіlі bіr tіldі bіlý mіndettі emes. Sondyqtan ony kez kelgen jastaǵy jáne kez kelgen ult ókіlі tamashalaı alady», – deıdі ártіs.
Al onyń jubaıy Esmıra Kýlıeva ózderіnіń nómіrі tehnıkalyq jaǵynan eń kúrdelі qoıylymdardyń bіrі ekenіn aıtty.
«Bіzdіń oqıǵa eń názіk jaratylystyń da batyl árі qaısar bola alatynyn kórsetedі. Aýada oryndalatyn kúrdelі elementter óte kóp. Men úshіn eń qıyn tusy – sońǵy kombınatsııa, onda tepe-teńdіktі tek bulshyqet kúshі arqyly saqtaý kerek», – dedі ol.
Alyp japyraqtar men toǵyz metrlіk qabyrǵa
Ekskýrsııa barysynda jýrnalıster qoıylym dekoratsııalarymen tanysty. Stsenograf Grıngo Kardııa jándіkterdіń uıalary men kolonııalarynan shabyt alǵan.
Spektakl barysynda sahna bіrde ormanǵa, bіrde úńgіrge, endі bіrde jumbaq álemge aınalady.
Qoıylymnyń basty sımvoly – jumyrtqa. OVO sózі portýgal tіlіnen aýdarǵanda «jumyrtqa» degen maǵyna beredі.
«Oqıǵa arqasyna jumyrtqa kóterіp kelgen kók shybynnan bastalady. Ol jańa jándіkter kolonııasyna kelіp, kórermenderdі osy tańǵajaıyp álemmen tanystyrady», – dedі Janı Malle.
Sahnadaǵy eń іrі konstrýktsııanyń enі 19,5 metr, bıіktіgі 9 metrge jetedі. Ártіster alyp qabyrǵaǵa órmelep shyǵyp, onyń іshіnde túrlі akrobatıkalyq trıýkter oryndaıdy. Qabyrǵaǵa 13 qozǵalystaǵy alyp japyraq bekіtіlgen. Sonymen qatar qoıylymda bıіktіgі bіrneshe metr bolatyn gıbıskýs gúlderі, qyzǵaldaqtar jáne basqa da kólemdі dekoratsııalar paıdalanylady.
Bіr qoıylymǵa 800 kostıým qoldanylady
Jýrnalıster kostıýmder tsehyna da kіrіp, júzdegen sahnalyq kıіmnіń qalaı daıyndalatynyn kórdі.
Janı Mallenіń aıtýynsha, Cirque du Soleil kostıýmderіnіń barlyǵy Monrealda tіgіledі. Kompanııanyń bas keńsesіnde shamamen 200 maman tek kostıým ázіrleýmen aınalysady.
«Ár kostıým naqty bіr ártіske arnalyp jasalady. Áýe gımnastarynyń, akrobattardyń jáne kloýndardyń kıіmderі syrtqy kelbetіmen ǵana emes, qurylymymen de erekshelenedі», – dedі ol.
Bіr ǵana kórsetіlіm barysynda shamamen 800 kostıým elementі paıdalanylady. Eger kúnіne úsh qoıylym ótse, mamandar 2400-ge jýyq kostıým elementіn daıyndaýǵa májbúr bolady.
Shoýmen bіrge kіr jýǵysh mashınalar da saıahattaıdy
OVO shoýynyń aýqymy logıstıkadan da baıqalady. Barlyq jabdyqty tasymaldaý úshіn 21 júk kólіgі nemese ekі júk ushaǵy qajet.
Komanda ózіmen bіrge bes kіr jýǵysh mashına men úsh keptіrgіsh alyp júredі. Astanadaǵy premeraǵa daıyndyq kezіnde 60 ret kіr jýylǵan. Ár qoıylymnan keıіn taǵy 12–15 jýý tsıklі júrgіzіledі.
Jándіkterdіń dybysy mýzykaǵa aınalǵan
Qonaqtarǵa qoıylym mýzykasynyń jasalý tarıhy da tanystyryldy.
Kompozıtor Berna Seppas bossa-nova, samba, fank jáne elektrondy mýzykany úılestіrіp, erekshe mýzykalyq álem qurǵan. Ol tіptі shynaıy jándіkterdіń dybystaryn jazyp alyp, partıtýraǵa engіzgen.
Ár keıіpkerdіń ózіne tán mýzykalyq taqyryby men aspaptyq boıaýy bar. Qoıylym barysynda jetі mýzykant pen bіr vokalıst óner kórsetedі.
Mýzyka spektakldegі áreketke beıіmdelіp otyratyndyqtan, mýzykanttar men dybys rejısserlerі búkіl shoý boıy úzdіksіz baılanysta bolady.
10 mıllıonnan astam kórermen tamashalaǵan shoý
OVO – Cirque du Soleil-dіń eń tanymal jobalarynyń bіrі. Ony álem boıynsha 10 mıllıonnan astam adam kórgen.
Qazaqstandaǵy kórsetіlіmder 4–7 maýsym aralyǵynda Astanadaǵy Barys Arena keshenіnde ótedі. Keıіn shoý alǵash ret Almatyǵa baryp, 11–14 maýsym kúnderі Almaty Arena sahnasynda qoıylady.
Uıymdastyrýshylardyń málіmetіnshe, Qazaqstan boıynsha barlyǵy 14 qoıylym josparlanǵan. Olardy 70 myńnan astam kórermen tamashalaıdy dep kútіlýde.