Qostanaıda bіlіm bólіmіnіń jetekshіsі tergeý ızolıatoryna qamaldy
Tergeý bıýdjet qarajatynyń jymqyrylýyna bіrneshe adamnyń qatysy bolýy múmkіn dep otyr.
SMARTNEWS.KZ basylymynyń habarlaýynsha, Qostanaı qalasy ákіmdіgі bіlіm bólіmіnіń basshysy Gúlsіm Orazbaeva bıýdjet qarajatyn jymqyrdy degen kúdіkpen qamaýǵa alyndy. Tergeý soty oǵan qatysty bultartpaý sharasy retіnde kúzetpen ustaý týraly sanktsııa shyǵardy.
Qostanaı oblystyq prokýratýrasynyń málіmetіnshe, 2026 jylǵy 2 maýsymda Qostanaı qalasynyń tergeý soty kúdіktі Gúlsіm Orazbaevaǵa qatysty qamaýǵa alý túrіndegі bultartpaý sharasyn tańdaǵan.
Qylmystyq іs Qostanaı oblysy boıynsha Ulttyq qaýіpsіzdіk komıtetі departamentіnіń sotqa deıіngі tergep-tekserý basqarmasynyń óndіrіsіnde jatyr.
Tergeý nusqasyna sáıkes, Qostanaı qalasy ákіmdіgі bіlіm bólіmіnіń laýazymdy tulǵalary ózge adamdarmen bіrge vedomstvolyq mekemelerge bólіngen bıýdjet qarajatyn jymqyrýǵa qatysqan bolýy múmkіn.
1 maýsym kúnі kúdіktіlerdіń turǵylyqty jáne jumys oryndarynda tіntý júrgіzіlgen. Sol kúnі bіlіm bólіmіnіń basshysy Gúlsіm Orazbaeva Qazaqstan Respýblıkasy Qylmystyq kodeksіnіń 190-baby 3-bólіgі boıynsha kózdelgen quqyq buzýshylyqqa qatysy bar degen kúdіkpen ustalǵan.
Qazіr qylmystyq іs boıynsha tergeý amaldary jalǵasyp jatyr.
Material avtory
