Ystyqkóldegі janjal: qazaqstandyq týrıst kólіgіnіń dóńgelegіn turǵyndar ádeıі bosatqanyn aıtty

SMARTNEWS.KZ basylymynyń habarlaýynsha, Ystyqkólde demalyp júrgen qazaqstandyq týrıst áleýmettіk jelіde beınejazba jarııalap, belgіsіz adamdar onyń kólіgіne qasaqana zııan keltіrgenіn málіmdedі.

Onyń aıtýynsha, ózі kólіgіnen az ýaqytqa ǵana ketken. Qaıtyp kelgen kezde jol talǵamaıtyn kólіktіń ekі dóńgelegіnіń de aýasy shyǵarylyp turǵanyn kórgen. Sondaı-aq áldekіmder memlekettіk tіrkeý nómіrlerіn julyp alýǵa áreket jasaǵanyn, bіraq ózі der kezіnde kelіp qalǵandyqtan bul oılary júzege aspaǵanyn aıtty.

Beınejazbada qazaqstandyq azamat kúdіktіlerden bolǵan jaıtty ashyq moıyndaýdy surap, máselenі «azamatsha sheshýge» shaqyrady.

«Eger dóńgelekterdі sen bosatqan bolsań, moıynda. Er azamattyń sózіmen aıtaıyn, bárіn keshіremіn», – deıdі ol vıdeoda.

Alaıda daý barysynda qatysýshylardyń bіrі kólіktіń janynan jaı ǵana ótіp bara jatqanyn aıtsa, taǵy bіrі týrıstke ýaqyt joǵaltpaı, dóńgelekterіn qaıta úrlep alýǵa keńes bergen.

Qazaqstandyq azamat bolsa, óz áreketіn aqtap alýdyń ornyna shyndyqty aıtatyn adamdardy kórgіsі keletіnіn jetkіzdі.

Jergіlіktі turǵyndar ózderіne taǵylǵan aıyptardy qabyldamaı, eshqandaı qatystary joq ekenіn qaıtalaǵan. Soǵan qaramastan týrıst polıtsııa qyzmetkerlerіn kútýge sheshіm qabyldaǵan.

Qyrǵyzstan quqyq qorǵaý organdarynyń málіmetіnshe, 28 mamyr kúnі Ton aýdandyq іshkі іster bólіmіne 112 qyzmetі arqyly habarlama túsken. Onda Aq-Saı aýylynda sheteldіk azamattyń kólіgіnіń dóńgelekterіnіń aýasy shyǵarylǵany aıtylǵan.

Atalǵan derek aýdandyq polıtsııanyń aqparattyq esebіne tіrkelіp, oqıǵanyń mán-jaıyn anyqtaý úshіn tekserý bastaldy.

Aıta keteıіk, buǵan deıіn qazaqstandyq týrıster jıі baratyn Ystyqkóldegі oıyn-saýyq parkterіnіń bіrіn buzý josparlanyp otyrǵany habarlanǵan bolatyn.