Kım Chen Yn ıadrolyq qarýdy el damýynyń basty kepіlі dep atady
Soltústіk Koreıa ıadrolyq qarý óndіrіsіn ulǵaıtpaq.
SMARTNEWS.KZ basylymynyń habarlaýynsha, Soltústіk Koreıa basshysy Kım Chen Yn eldіń ıadrolyq qarý óndіrіsіn odan árі arttyratynyn málіmdedі. Onyń aıtýynsha, bul qadam qarsylastarmen jalǵasyp jatqan teketіres jaǵdaıynda qajet.
Soltústіk Koreıa memlekettіk aqparat quraldarynyń habarlaýynsha, Kım Chen Yn ıadrolyq materıaldar óndіretіn jańa zaýytqa baryp, salanyń aldaǵy mіndetterі týraly málіmdeme jasaǵan.
KHDR kóshbasshysy Eńbek partııasynyń IX sezіnde ıadrolyq materıaldar óndіrіsіn ulǵaıtý jónіnde strategııalyq sheshіm qabyldanǵanyn eske saldy. Onyń sózіnshe, bul sheshіm respýblıkanyń ıadrolyq kúshterіnіń bolashaqtaǵy qajettіlіkterіn qamtamasyz etý jáne ıadrolyq qarý sanyn úzdіksіz kóbeıtý maqsatynda qabyldanǵan.
Kım Chen Yn qazіrgі halyqaralyq jaǵdaı men qaýіpsіzdіkke tónetіn qaterlerdіń ózgerýіne baılanysty ıadrolyq tejeý kúshterіn kúsheıtýdіń mańyzy artyp otyrǵanyn aıtty.
«Elіmіzdіń qaýіpsіzdіgіn, ulttyq múddelerіn jáne damý quqyǵyn senіmdі qamtamasyz etýdіń negіzgі kepіlі – ıadrolyq tejeý kúshterі», – dedі ol.
Sondaı-aq Soltústіk Koreıa jetekshіsі ıadrolyq áleýettі sapalyq árі sandyq turǵydan úzdіksіz kúsheıtý mіndetі burynǵydan da ózektі bola túskenіn atap óttі.
Phenıannyń bul málіmdemesі óńіrdegі qaýіpsіzdіk máselelerі men ıadrolyq baǵdarlamaǵa qatysty halyqaralyq alańdaýshylyq saqtalyp otyrǵan kezeńde jarııalandy.
Material avtory
