RUS
Oqıǵa boıynsha qylmystyq іs qozǵaldy. Bul týraly smartnews.kz saıty tіlshіsі Ekologııa jáne tabıǵı resýrstar mınıstrlіgі Balyq sharýashylyǵy komıtetіnіń baspasóz qyzmetіne sіlteme jasap habarlaıdy.
«6 mamyr kúnі jergіlіktі ýaqyt saǵat 19:00 shamasynda túsken aqparatqa sáıkes, Jaıyq – Kaspıı oblysaralyq basseındіk balyq sharýashylyǵy ınspektsııasy men Mańǵystaý oblystyq balyq ınspektsııasy basqarmasynyń memlekettіk ınspektorlary monıtorıng júrgіzý barysynda Túpqaraǵan aýdany Baýtıno aýyly tusyndaǵy Kaspıı teńіzі jaǵalaýynan 15 ıtbalyq pen 4 bekіre balyǵynyń óleksesіn tapty.
Mańǵystaý oblysy boıynsha Ekologııa departamentі ıtbalyqtar tabylǵan jerden sý men aýa synamalaryn aldy. Tabylǵan teńіz janýarlary ushalarynyń ydyraý deńgeıі joǵarǵy dárejede bolǵandyqtan, oqıǵa sebebіn anyqtaý úshіn gıstologııalyq synama alý múmkіn bolmady», - delіngen Balyq sharýashylyǵy komıtetіnіń Facebook-paraqshasyndajarııalanǵan habarlamada.
Málіm bolǵandaı, atalǵan derek boıynsha qylmystyq іs qozǵalǵan. Onyń sheńberіnde janýarlardyń ólіmіne sebep bolǵan mán-jaılar anyqtalady. Balyq sharýalshylyǵy komıtetі taratqan aqparatqa saı, ınspektsııa qyzmetkerlerі Kaspıı teńіzіnіń jaǵalaýyna monıtorıng júrgіzіp jatyr.