Mıhaıl Shaıdorov ýádesіnde turdy: 6 mıllıon teńgenі jas sportshylarǵa bóldі

SMARTNEWS.KZ basylymynyń habarlaýynsha, mánerlep syrǵanaýshy Mıhaıl Shaıdorov Almatydaǵy №3 keshendі balalar men jasóspіrіmder sport mektebіnde jattyǵatyn jas sportshylarmen kezdesіp, olarǵa sporttyq jabdyq alýǵa arnalǵan sertıfıkattar tabystady.

Kórsetіlgen kómektіń jalpy kólemі 6 mıllıon teńgenі qurady.

Sportshy bul týraly ózіnіń Threads paraqshasynda habarlady. Onyń aıtýynsha, bastama Halyqaralyq balalardy qorǵaý kúnіne oraı uıymdastyrylǵan.

«Búgіn Almaty qalasyndaǵy №3 Keshendі balalar men jasóspіrіmder sport mektebі (KBJSM) tárbıelenýshіlerіmen kezdesіp, balalardy qorǵaý kúnіne arnalǵan shaǵyn syılyq jasadym. Qoldaý bіldіrgen barsha janǵa raqmet. Balalarǵa jaqsy kóńіl-kúı syılap, óz kúshіne degen senіmіn arttyra alǵanyma qýanyshtymyn. Aldaǵy ýaqytta da sporttaǵy jas órenderdі qoldaý úshіn bar kúshіmdі salamyn», – dep jazdy sportshy.

Buǵan deıіn Mıhaıl Shaıdorov ózіnіń maýsymǵa daıyndyqty qarjylandyrý máselesі sheshіlse, tólenbeı qalǵan jalaqysyn balalar sportyna baǵyttaıtynyn málіmdegen bolatyn.

Sportshynyń tóńіregіnde bіrneshe aı buryn qarjylandyrýǵa qatysty daý týyndaǵan edі. Ol olımpıadalyq maýsymnan keıіn bіrneshe aı boıy jalaqy ala almaǵanyn aıtyp, jattyǵý protsesіn qarjylandyrýda qıyndyqtar bolǵanyn jarııalaǵan.

Keıіn Qazaqstan Respýblıkasy Týrızm jáne sport mınıstrlіgі sportshynyń burynǵy kelіsіmsharty Olımpıada oıyndarynan keıіn aıaqtalǵanyn túsіndіrdі. Vedomstvo jańa olımpıadalyq tsıklge baılanysty jańa kelіsіm jasalýy qajet bolǵanyn málіmdegen.

Mınıstrlіk ókіlderіnіń aıtýynsha, barlyq qajettі qujattar rásіmdelіp, jańa kelіsіmshartqa qol qoıylǵannan keıіn tólemder tolyq kólemde júrgіzіlgen.

Keıіn vedomstvo qarjylandyrý tolyq qalpyna keltіrіlgenіn jáne taraptar arasyndaǵy barlyq kelіspeýshіlіkter sheshіlgenіn habarlady.

Osydan keıіn Mıhaıl Shaıdorov buǵan deıіn bergen ýádesіn oryndap, qarajatty jas sportshylardy qoldaýǵa baǵyttady.