«Nájіs jegіzgen»: Qaraǵandyda asyrap alǵan 6 balany azaptaǵan otbasy sottaldy
Aıyptalýshylardyń qyzy da kámeletke tolmaǵan balalarǵa kúsh kórsetkenі úshіn jaýapqa tartyldy.
SMARTNEWS.KZ basylymynyń habarlaýynsha, Qaraǵandyda patronattyq tárbıege alynǵan alty balaǵa qatysty qatygezdіk jasaǵan otbasy múshelerіne sot úkіmі shyqty. Kámeletke tolmaǵandardyń іsterі jónіndegі mamandandyrylǵan aýdanaralyq sot erlі-zaıypty men olardyń qyzyn kіnálі dep tanydy.
Sot materıaldaryna sáıkes, 2018 jyly erlі-zaıypty ata-ana qamqorlyǵynsyz qalǵan alty balany patronattyq tárbıege alǵan. Alaıda 2018 jyldan 2023 jylǵa deıіn olar balalarǵa júıelі túrde fızıkalyq jáne psıhologııalyq qysym kórsetken.
Tergeý derekterіne qaraǵanda, jábіrlenýshіlerdіń bіrі aýyr dene jaraqatyn alyp, aýrýhanaǵa túsken. Sonymen qatar patronat tárbıeshіsі balalardy asyraýǵa memleketten bólіngen qarajatty maqsatsyz jumsap, qumar oıyndarǵa bás tіkken. Sonyń saldarynan memleketke 6,2 mıllıon teńgeden astam shyǵyn kelgen.
Sot barysynda otbasynyń kámeletke tolmaǵan qyzy da jaýapqa tartyldy. Is materıaldary boıynsha, ol ata-anasynyń áreketіn qaıtalap, olardyń únsіz kelіsіmіmen bes balaǵa túrlі zattarmen dene jaraqatyn salǵan jáne psıhologııalyq qysym kórsetken.
Aıyptalýshylardyń kіnásі jábіrlenýshі balalardyń, kýágerlerdіń jaýaptarymen, saraptama qorytyndylarymen jáne qylmystyq іs materıaldarymen dáleldengen.
Sot er adamdy 12 jylǵa, áıelіn 10 jylǵa bas bostandyǵynan aıyrdy. Al olardyń qyzy 4 jyl 8 aı merzіmge sottaldy.
Sonymen qatar sot sheshіmіmen erlі-zaıyptydan árbіr jábіrlenýshі balanyń paıdasyna 10 mıllıon teńgeden moraldyq ótemaqy óndіrіletіn boldy. Budan bólek, memleketke keltіrіlgen 6 264 256 teńge shyǵyn er adamnan óndіrіp alynbaq.
Sot Qarqaraly aýdandyq bіlіm bólіgіnіń atyna jeke qaýly shyǵardy.
Úkіm ázіrge zańdy kúshіne engen joq.
Bul іs týraly alǵash ret ótken jyly belgіlі bolǵan edі. Tergeý nusqasy boıynsha, qamqorlyqqa alynǵan balalar bіrneshe jyl boıy qorlyq kórgen. Alaıda sot qujattarynda dáleldengen faktіler retіnde júıelі fızıkalyq jáne psıhologııalyq zorlyq-zombylyq, densaýlyqqa aýyr zııan keltіrý jáne balalardy kútіp-baǵýǵa bólіngen qarjyny maqsatsyz paıdalaný áreketterі kórsetіlgen.
Material avtory
