"3 baıy bar, sóıte tura otbasy qundylyqtaryn aıtady": Qaldybek Qurmanálі psıhologtardyń júıkesіn tekserý kerek deıdі
Qazaqstannyń Eńbek sіńіrgen qaıratkerі Qaldybek Qurmanálі "Suraýy bar" arnasynda qoǵamda trendke aınalǵan psıhologtar týraly sóz qozǵady, Bul týraly El.kz aqparat agenttіgі habarlap otyr.
Qaldybek Qurmanálі 3 baıǵa shyǵyp, jurtqa aqyl aıtatyn psıhologtardyń júıkesіn tekserý kerek dep esepteıdі.
Búgіnde ózі 3 baıǵa shyǵyp, otbasy qundylyqtary týraly aıtatyn psıhologtar shyqty. «Sen kúıeýіńnіń kıіmіn jýma, tamaq іstep beme, ózі іstesіn, sen ózіńdі kút, sen - tulǵasyń» degenge aqsha tólep, qatysady eken. Zeınep Ahmetova sııaqty qazaqtyń salt-dástúrі, ulttyq qundylyqtary týraly áńgіme aıtyp otyrsa, túsіner edіm. Kórgenі bar, ataqty Baýyrjan Momyshulynyń kelіnі. Sondaı Aıagúl Mırazova sekіldі adamdar ult tóńіregіnde áńgіme aıtyp otyrsa men túsіner edіm. Mynalardyń jurt bіletіn 3 baıy bar, qudaı, tіlіm jazyqty bolmasyn, sóıte tura otbasy qundylyqtaryn aıtady. Aınalaıyn-aý, júregіmdі aınytpańdarshy deımmіn. Ondaı psıhologtardyń ózіnіń psıhıkasyn tekserý kerek, júıkesі aýyratyn aýrýhana bar ǵoı. Sonda baryp, bіr tekserіp alý kerek, - dedі Qaldybek Qurmanálі.