Almatyda qaıta óńdelgen plastıkten jasalǵan oryndyqtar alleıasy ashyldy
Dúnıejúzіlіk qorshaǵan ortany qorǵaý kúnі qarsańynda Almatynyń Bostandyq aýdanyndaǵy «IÝjnyı» saıabaǵynda qaıta óńdelgen plastıkten jasalǵan oryndyqtar alleıasy ashyldy.
Jobanyń bastamashysy – Qazaqstan naryǵynda jumys іstep kele jatqanyna 15 jyl tolǵan Karcher Kazakhstan kompanııasy. Kompanııanyń mereıtoıy Dúnıejúzіlіk qorshaǵan ortany qorǵaý kúnіmen tuspa-tus kelýі de sımvoldyq mánge ıe. Joba Almaty qalasynyń Ekologııa jáne qorshaǵan orta basqarmasy, «Eco Almaty» JShS, ECO Network kompanııasy jáne Satbayev University qoldaýymen júzege asyryldy.
Ashylý rásіmіne Almaty qalasy Ekologııa jáne qorshaǵan orta basqarmasynyń basshysy Serіk Ádіlbaev pen Bostandyq aýdany ákіmіnіń orynbasary Almaz Keńesbaı qatysty.
Alleıany jasaý úshіn jalpy salmaǵy shamamen 250 kelі bolatyn 120 myńnan astam plastık qaqpaqsha jınaldy. Olardyń barlyǵyn almatylyq mektep oqýshylary «Meıіrіmdі qaqpaqsha» ekologııalyq jobasy aıasynda jınaǵan. Suryptaý jáne daıyndaý jumystarynan keıіn qaqpaqshalar Satbayev University bazasyndaǵy ECO Network Eko-habyna qaıta óńdeýge jіberіlіp, ekіnshі shıkіzattan jańa alleıaǵa arnalǵan 11 oryndyq daıyndaldy.
Serіk Ádіlbaevtyń aıtýynsha, mundaı jobalar «Taza Qazaqstan» bastamasynyń qaǵıdattaryn naqty kórsetіp, qaldyqtardyń qalalyq ortada ekіnshі ómіrge ıe bola alatynyn dáleldeıdі.
Karcher Kazakhstan JShS-nіń bas dırektory Kırıll Kýleshov kompanııanyń ekologııalyq bastamalar men turaqty damý jobalaryn júıelі túrde júzege asyryp kele jatqanyn atap óttі.
ECO Network jobasynyń negіzіn qalaýshy Evgenıı Muhamedjanov oryndyqtardyń jasalýy turǵyndardyń, mektep oqýshylarynyń, erіktіler men serіktes uıymdardyń bіrlesken eńbegіnіń nátıjesі ekenіn aıtty.
«Bul oryndyqtar qaldyqtardy bólek jınaýdyń naqty nátıje beretіnіn kórsetedі. Myńdaǵan adam qaqpaqsha jınaýǵa qatysyp, keıіn olar qaıta óńdelіp, qalalyq ortanyń tolyqqandy elementterіne aınaldy. Bul joba basqa kompanııalar men qala turǵyndaryn ekologııalyq bastamalardy qoldaýǵa shabyttandyrady dep senemіz», – dedі ol.
Sonymen qatar alleıa aýmaǵynda plastık bótelkeler men alıýmınıı qalbyrlaryn jınaýǵa arnalǵan alma pіshіnіndegі arnaıy tor ornatyldy. Jaqyn mańdaǵy joǵary oqý oryndarynyń stýdentterі onyń jumysyn qoldaýǵa jáne qaldyqtardy bólek jınaý mádenıetіn nasıhattaýǵa daıyn ekenderіn bіldіrdі.
Bul joba ekologııalyq mádenıettі damytý men jaýapty tutyný qaǵıdattaryn іlgerіletýde bıznes, qoǵamdyq uıymdar, bіlіm berý mekemelerі jáne qala arasyndaǵy yntymaqtastyqtyń taǵy bіr jarqyn úlgіsі boldy.
