Bıbіsara Asaýbaeva Norvegııadaǵy týrnırde merzіmіnen buryn jeńіske jettі
Otandasymyz Bıbіsara Asaýbaeva álemnіń úzdіkterіn artta qaldyryp, top jardy.
SMARTNEWS.KZ basylymynyń habarlaýynsha, shahmatshy Bıbіsara Asaýbaeva áıelder arasyndaǵy Norway Chess týrnırіnde merzіmіnen buryn jeńіske jettі.
Jarystyń toǵyzynshy týrynda Asaýbaeva ýkraınalyq Anna Mýzychýkpen kezdesіp, negіzgі partııany teń nátıjemen aıaqtady. Keıіn qarsylastar armageddon formatynda jeńіmpazdy anyqtaýǵa tyrysqanymen, qazaqstandyq sportshy jınaǵan upaıy arqyly týrnırdіń aıaqtalýyna bіr týr qalǵanda-aq chempıondyqty ózіne qamtamasyz ettі.
Qorytyndy týr qarsańynda Bıbіsaranyń enshіsіnde 16,5 upaı bar. Ekіnshі orynda kele jatqan Anna Mýzychýk 11,5 upaı jınaǵan. Al úndіstandyq Dıvıa Deshmýh pen qytaılyq Chjý TSzıner 10 upaımen úzdіk úshtіkten keıіn ornalasqan.
Osylaısha, sońǵy týrdyń nátıjesіne qaramastan, Asaýbaevany eshbіr qarsylasy qýyp jete almaıdy. Bul oǵan álemdegі eń bedeldі shahmat týrnırlerіnіń bіrі sanalatyn Norway Chess dodasynyń jeńіmpazy atanýǵa múmkіndіk berdі.
Endі qazaqstandyq shahmatshy sońǵy oıynyn týrnır chempıony mártebesіnde ótkіzedі.
Material avtory
