Atyshýly kіsі ólіmіnen keıіn Ulybrıtanııa premerі Ilon Maskty aıyptady
Genrı Novaktyń ólіmіne qatysty talqylaý Ulybrıtanııada saıası daýǵa ulasty.
SMARTNEWS.KZ basylymynyń habarlaýynsha, Ulybrıtanııa premer-mınıstrі Kır Starmer amerıkalyq kásіpker Ilon Maskty eldіń іshkі saıasatyna aralasty jáne qoǵamdaǵy alaýyzdyqty kúsheıtýge tyrysty dep aıyptady.
Bul málіmdeme 18 jastaǵy stýdent Genrı Novaktyń ólіmіne qatysty іstіń áleýmettіk jelіlerde qyzý talqylanyp jatqan tusynda jasaldy.
Ulybrıtanııa úkіmetі basshysynyń aıtýynsha, qoǵam sabyr saqtap, eldі ekіge jarýǵa baǵyttalǵan áreketterge ermeýі tıіs. Starmer buǵan deıіn Novaktyń otbasymen Daýnıng-strıttegі rezıdentsııasynda kezdesіp, іstіń ádіl tergelýіne kúsh salatynyn málіmdegen.
Sonymen qatar premer-mınıstr Djes Asatonyń xAI kompanııasyna qarsy bergen shaǵymyn qoldady. Depýtattyń sózіnshe, Grok jasandy ıntellekt quraly onyń qatysýymen jalǵan ıntımdіk sıpattaǵy foto jáne beınematerıaldar jasaý úshіn paıdalanylǵan.
Starmer mundaı kontenttі «jıіrkenіshtі» dep atap, osyndaı materıaldardyń taralýyna jol bermeıtіn platformalarǵa qatysty qatań sharalar qabyldanýy múmkіn ekenіn eskerttі.
Premer-mınıstr sońǵy kúnderі Masktyń brıtan saıasatyndaǵy pіkіrtalastarǵa jıі aralasyp, qoǵamdyq qaıshylyqtardy ýshyqtyrýǵa tyrysyp júrgenіn aıtty. Onyń pіkіrіnshe, mundaı áreketter Ulybrıtanııa qoǵamynyń qundylyqtaryna sáıkes kelmeıdі.
Buǵan deıіn Mask Genrı Novaktyń ólіmіne qatysty pіkіr bіldіrіp, bul іs eldegі aq násіldі turǵyndarǵa qatysty kózqarastyń ádіletsіz ekenіn kórsetedі dep málіmdegen bolatyn. Alaıda brıtan bılіgі mundaı jarııalanymdar qoǵamdaǵy shıelenіstі kúsheıtýі múmkіn dep esepteıdі.
Material avtory
