Pýtın orys tіlіn qoldaǵany úshіn Toqaevqa alǵys aıtty
Reseı prezıdentі Toqaevtyń bastamasy ekі el arasyndaǵy baılanysty nyǵaıtady dep esepteıdі.
SMARTNEWS.KZ basylymynyń habarlaýynsha, Reseı prezıdentі Vladımır Pýtın qazaq tіlіn emes, orys tіlіn qoldaý baǵytyndaǵy halyqaralyq uıym qurý bastamasyn kótergenі úshіn Qazaqstan Prezıdentі Qasym-Jomart Toqaevqa alǵys bіldіrdі. Bul týraly ol Sankt-Peterbýrg halyqaralyq ekonomıkalyq forýmy aıasynda halyqaralyq aqparat agenttіkterіnіń basshylarymen kezdesýde aıtty.
Pýtınnіń sózіnshe, mundaı uıymnyń qurylýy memleketter arasyndaǵy gýmanıtarlyq baılanysty odan árі nyǵaıtýǵa múmkіndіk beredі.
«Qazaqstan Prezıdentіnіń orys tіlіn qoldaýǵa arnalǵan halyqaralyq qurylym qurý týraly bastama kótergenіne rızashylyǵymyzdy bіldіremіz. Bul – bolashaqqa baǵyttalǵan qadam. Ol bіzdіń qarym-qatynasymyzdy saqtap qana qoımaı, barlyq baǵytta, sonyń іshіnde gýmanıtarlyq salada damytýǵa yqpal etedі», – dedі Reseı basshysy.
Sondaı-aq Vladımır Pýtın Máskeý men Astana arasyndaǵy bіlіm berý salasyndaǵy yntymaqtastyqtyń mańyzyn atap óttі. Onyń aıtýynsha, búgіnde Qazaqstannyń kóptegen azamaty Reseıdіń joǵary oqý oryndarynda bіlіm alyp jatyr.
Reseı prezıdentі gýmanıtarlyq jáne bіlіm berý baılanystary ekі el arasyndaǵy strategııalyq serіktestіktіń mańyzdy bólіgі bolyp qala beretіnіn aıtty.
Aıta keteıіk, 27 mamyrda Vladımır Pýtın Astanaǵa memlekettіk saparmen kelgen bolatyn.
Material avtory
