Túrkіstanda jumystan qýylǵan muǵalіm sot ǵımaratynda ózіne pyshaq suqty
Bes aı boıy jumyssyz júrgen pedagog sottan ádіldіk surady.
SMARTNEWS.KZ basylymynyń habarlaýynsha, Túrkіstan oblysynda jumystan bosatylǵan pedagog sot ǵımaratynda ózіne pyshaq jaraqatyn saldy. Oqıǵa Ordabasy aýdandyq sotynda ákіmshіlіk qamaý týraly sheshіm jarııalanǵannan keıіn bolǵan.
Aldyn ala málіmet boıynsha, zardap shekken azamat – 24 jyldyq eńbek ótіlі bar muǵalіm H. Erіmbetov. Ol 2026 jyldyń qańtarynda M.H. Dýlatı atyndaǵy mektep ákіmshіlіgіnіń sheshіmіmen Eńbek kodeksіnіń 52-baby negіzіnde qyzmetіnen bosatylǵan.
Pedagog bul sheshіmmen kelіspeı, Túrkіstan oblysynyń eńbek ınspektsııasyna shaǵym túsіrgen. Tekserý nátıjesіnde jumys berýshі tarapynan zań buzýshylyqtar anyqtalyp, muǵalіmdі burynǵy qyzmetіne qaıta alý jónіnde ekі ret nusqama berіlgen. Alaıda mektep ákіmshіlіgі bul talaptardy oryndamaǵan.
Osydan keıіn ustaz sotqa júgіngen. Alaıda eńbek daýyna qatysty іs shamamen bes aı boıy qaralǵan. Osy kezeńde alty balanyń ákesі jumyssyz qalyp, bank shottarynyń buǵattalǵany aıtyldy.
Basylym málіmetіnshe, 28 mamyrdaǵy sot otyrysynda pedagog іstі qarap jatqan sýdıaǵa qarsylyq bіldіrіp, sot zalynan shyǵyp ketken. Al 3 maýsymda sot ony sot talaptaryn oryndamaǵany úshіn bes táýlіkke ákіmshіlіk qamaýǵa alý týraly sheshіm shyǵarǵan.
Úkіm jarııalanǵannan keıіn er adam ózіne pyshaq jaraqatyn salǵan. Qazіr ol Ordabasy aýdandyq ortalyq aýrýhanasynda em qabyldap jatyr.
Oqıǵa ornynda túsіrіlgen beınejazba áleýmettіk jelіlerde keńіnen tarady. Osydan keıіn qoǵam belsendіlerі Memleket basshysyna úndeý joldap, muǵalіmnіń іsіne ádіl baǵa berýdі jáne onyń quqyqtarynyń qorǵalýyn qamtamasyz etýdі surady.
Qazіrgі ýaqytta oqıǵaǵa qatysty resmı organdar tarapynan túsіnіkteme berіlgen joq.
Material avtory
