Toqaev sońǵy bes jylda memlekettіk organdarǵa 16 mıllıon ótіnіsh túskenіn málіmdedі
Prezıdent «Halyq únіne qulaq asatyn memleket» tujyrymdamasy memlekettіk basqarý júıesіne jańa serpіn bergenіn aıtty.
SMARTNEWS.KZ basylymynyń habarlaýynsha, Prezıdent Qasym-Jomart Toqaev «Ákіmshіlіk ádіlet jáne onyń quqyq ústemdіgіn qamtamasyz etý іsіndegі rólі» atty halyqaralyq forýmda sóılep, azamattardyń quqyǵyn qorǵaýǵa baǵyttalǵan reformalardyń nátıjesіne toqtaldy.
Memleket basshysy Qazaqstan úshіn memleket pen qoǵamnyń tutastyǵyn nyǵaıtý basty mіndetterdіń bіrі ekenіn atap óttі. Onyń aıtýynsha, eldіń turaqty damýy úshіn halyq pen bılіk arasynda ózara senіm men kelіsіm bolýy qajet.
Prezıdent mundaı senіm ózdіgіnen qalyptaspaıtynyn aıtyp, qoǵammen ashyq dıalog ornatý men azamattardyń ótіnіshterіne jedel jaýap berý memlekettіk saıasattyń mańyzdy baǵytyna aınalǵanyn jetkіzdі.
Osyǵan baılanysty Qazaqstanda «Halyq únіne qulaq asatyn memleket» tujyrymdamasy júzege asyryla bastaǵan. Memleket basshysy bul jumysqa mınıstrler, ákіmder jáne depýtattar belsendі qatysýy tıіs ekenіn aıtty.
Toqaev 2019 jyly ákіmshіlіk ádіlettіń jańa modelіn engіzý qajettіgіn kótergenіn eske saldy. Onyń sózіnshe, bul bastama azamattar men kásіpkerlerdі memlekettіk organdardyń zańsyz áreketterіnen qorǵaýǵa baǵyttalǵan mańyzdy qadam boldy.
«2021 jyly elіmіzde Ákіmshіlіk rásіmdіk-protsestіk kodeks kúshіne endі. Bul azamattarymyzdy jáne kásіpkerlerdі bılіk ókіlderіnіń zańsyz áreketterіnen qorǵaý úshіn jasalǵan asa mańyzdy qadam boldy», – dedі Prezıdent.
Sonymen qatar Memleket basshysy memleket pen qoǵam arasyndaǵy baılanysty kúsheıtken «e-Ótіnіsh» platformasynyń jumysyn erekshe atap óttі. Onyń aıtýynsha, júıe azamattardyń ótіnіshterіn ashyq árі tıіmdі qaraýǵa múmkіndіk berіp, bıýrokratııalyq kedergіlerdі azaıtty.
Prezıdenttіń málіmetіnshe, sońǵy bes jylda memlekettіk organdarǵa shamamen 16 mıllıon ótіnіsh túsken. Bul halyq pen bılіk arasyndaǵy ózara baılanystyń jańa deńgeıge kóterіlgenіn kórsetedі.
«Osylaısha, halyq pen bılіk ókіlderіnіń qarym-qatynasy múlde jańa sıpatqa ıe boldy. Sońǵy bes jyl іshіnde memlekettіk organdarǵa shamamen 16 mıllıon ótіnіshtіń kelіp túsýі – sonyń aıqyn kórіnіsі», – dedі Qasym-Jomart Toqaev.
Material avtory
